આલિયા ભટ્ટે પાપારાઝી સાથે કેક કાપી, જુઓ રણબીર-આલિયાનો ક્યૂટ વીડિયો
- પોતાના ખાસ દિવસ પહેલા આલિયા ભટ્ટે મીડિયા અને પાપારાઝી સાથે પોતાનો જન્મદિવસ ઉજવ્યો હતો, તેના અનેક વીડિયો સોશિયલ મીડિયા પર વાયરલ થઈ રહ્યા છે
HD ન્યુઝ ડેસ્કઃ બોલિવૂડની સૌથી લોકપ્રિય, સુંદર અને પ્રતિભાશાળી અભિનેત્રીઓમાંની એક આલિયા ભટ્ટ 15 માર્ચે પોતાનો 32મો જન્મદિવસ ઉજવશે. પોતાના ખાસ દિવસ પહેલા, આલિયાએ મીડિયા અને પાપારાઝી સાથે પોતાનો જન્મદિવસ ઉજવ્યો હતો. 13માર્ચે આલિયા ભટ્ટ અને રણબીર કપૂરે પાપારાઝી સાથે કેક કાપીને તેમનો પ્રી-બર્થડે ઉજવ્યો હતો, જેના ઘણા વીડિયો હાલમાં સોશિયલ મીડિયા પર ટ્રેન્ડ કરી રહ્યા છે.
આલિયાએ રણબીર સાથે કેક કાપી
વીડિયોમાં આલિયા ભટ્ટ પેસ્ટલ પીચ રંગના પોશાકમાં જોઈ શકાય છે. રણબીર કપૂર સફેદ રંગના કો-ઓર્ડ સેટમાં જોવા મળે છે. આ સમય દરમિયાન, પાપારાઝી અને મીડિયાએ આલિયાના જન્મદિવસ માટે સફેદ ફૂલોની થીમવાળી કેકની ખાસ વ્યવસ્થા કરી હતી. અભિનેત્રીએ તેમની સામે કેક કાપીને પોતાનો જન્મદિવસ ઉજવ્યો.
View this post on Instagram
રણબીર કપૂરે જાહેરમાં તેની પત્ની આલિયાના કપાળ પર ચુંબન કરીને બધી જ લાઈમલાઈટ ચોરી લીધી હતી. વીડિયોમાં જોઈ શકાય છે કે કેક કાપ્યા પછી, આલિયા પહેલા પોતે કેકનો ટુકડો લે છે અને પછી રણબીરને પણ કેક ખવડાવે છે. ત્યારબાદ રણબીર આલિયાના નાક પર કેક લગાવે છે અને પછી તેને પકડીને કપાળ પર કિસ કરે છે. આ પછી આ કપલે પાપારાઝી સાથે ફોટા પણ પડાવ્યા હતા.
આલિયા ભટ્ટનું વર્કફ્રંટ
વીડિયોમાં આ કપલના ક્યૂટ બોન્ડિંગને જોઈને ચાહકો પ્રેમનો વરસાદ કરી રહ્યા છે. ઉલ્લેખનીય છે કે આલિયા ભટ્ટ 15 માર્ચે 32 વર્ષની થશે. તેમનો જન્મ 15 માર્ચ 1993ના રોજ મુંબઈમાં થયો હતો. 2022 માં આવેલી ફિલ્મ બ્રહ્માસ્ત્ર: ભાગ 1 – શિવામાં રણબીર કપૂર સાથે જોવા મળી હતી. તે સંજય લીલા ભણસાલીની આગામી ફિલ્મ લવ એન્ડ વોરમાં રણબીર કપૂર અને વિક્કી કૌશલ સાથે જોવા મળશે.
આ પણ વાંચોઃ હોલી ડેઝમાં Amazonએ લગાવ્યા ચાર ચાંદ: સસ્તામાં ખરીદી શકશો 5G ફોન, જાણો ઑફર્સ
