અમદાવાદ : AMC દ્વારા ગટર સાફ કરવા દસ વર્ષમાં રૂપિયા ૨૭૪ કરોડથી વધુની રકમનો ખર્ચ
- વર્ષ-૨૦૨૪માં જાન્યુઆરીથી ડિસેમ્બર સુધીમાં ગટર સફાઈ પાછળ રૂપિયા ૪૩ કરોડનો ખર્ચ
- કમ્બાઈન્ડ જેટીંગ મશીનની મદદથી ડિસિલ્ટીંગની કામગીરી કરવામા આવે છે
- મ્યુનિ.તંત્ર પાસે ગટર સફાઈના કુલ ૬૦ મશીન છે
અમદાવાદ મ્યુનિસિપલ કોર્પોરેશન દ્વારા ૪૮ વોર્ડમાં આવેલી ગટરમાંથી શિલ્ટ કાઢવા દસ વર્ષમાં રૂપિયા ૨૭૪.૮૭ કરોડનો ખર્ચ કરવામા આવ્યો છે.
વર્ષ-૨૦૨૪માં જાન્યુઆરીથી ડિસેમ્બર સુધીમાં ગટર સફાઈ પાછળ રૂપિયા ૪૩ કરોડનો ખર્ચ
વર્ષ-૨૦૨૪માં જાન્યુઆરીથી ડિસેમ્બર સુધીમાં ગટર સફાઈ પાછળ રૂપિયા ૪૩ કરોડનો ખર્ચ કરવામા આવ્યો છે. આમ છતાં ગટર ઉભરાવાની ફરિયાદ વધતી જાય છે. શહેરના વિવિધ વોર્ડ વિસ્તારમાં ડ્રેનેજ પ્રોજેકટ વિભાગ તથા ઝોન કક્ષાએ ગટર ડિસિલ્ટીંગ માટે કોન્ટ્રાકટ અપાય છે. કોન્ટ્રાકટરો દ્વારા હાઈફલો જેટીંગ, મીની જેટીંગ, સુપર સકર મશીન ઉપરાંત કમ્બાઈન્ડ જેટીંગ મશીનની મદદથી ડિસિલ્ટીંગની કામગીરી કરવામા આવે છે.
આમ છતાં ગટર ઉભરાવાની ફરિયાદ વધી રહી છે
શહેરના વિવિધ વોર્ડમાં જેટીંગ મશીન,સુપરસકર મશીન વગેરેની મદદથી ગટરની સફાઈ કરાવવામા આવે છે. શિફટ મુજબ કોન્ટ્રાકટરોને રૂપિયા ૧૧૮૪૪ જેટલી રકમ ચૂકવવામા આવે છે. મ્યુનિ.તંત્ર પાસે ગટર સફાઈના કુલ ૬૦ મશીન છે. ઉપરાંત ખાનગી માલિકીના ચાર મશીનની મદદથી ગટરની સફાઈ કરાવવામા આવે છે. આમ છતાં ગટર ઉભરાવાની ફરિયાદ વધી રહી છે.
