પાકિસ્તાન પણ અમેરિકાના રસ્તે: 31 માર્ચ સુધીમાં ઘૂસણખોરોને દેશ છોડવાનો આદેશ આપ્યો

ઈસ્લામાબાદ, 08 માર્ચ 2025: અમેરિકાની માફક હવે પાકિસ્તાનમાં પણ મોટા પાયે ગેરકાયદેસર રીતે રહેતા લોકોને દેશ બહાર કરવામાં આવી રહ્યા છે. પાડોશી દેશના ગૃહ મંત્રાલયે જાહેરાત કરી છે કે તમામ અફઘાન નાગરિકતા કાર્ડ ધારકો અને ગેરકાયદેસર વિદેશી નાગરિકોને 31 માર્ચ 2025 સુધી દેશ છોડવો પડશે. આ નિર્ણય સરકારના IFRP કાર્યક્રમનો ભાગ છે, જે 1 નવેમ્બર 2023થી લાગૂ કર્યો હતો.

ગૃહ મંત્રાલયના નિવેદન અનુસાર, જે લોકો આ સમયમર્યાદામાં સ્વેચ્છાએ પાછા નહીં ફરે તેમને 1 એપ્રિલ, 2025 થી બળજબરીથી દેશનિકાલ કરવામાં આવશે. પાકિસ્તાનના ગૃહ મંત્રાલયે ખાતરી આપી છે કે હકાલપટ્ટી પ્રક્રિયા ગૌરવ સાથે હાથ ધરવામાં આવશે અને કોઈની સાથે દુર્વ્યવહાર કરવામાં આવશે નહીં.

સરકારે એમ પણ કહ્યું છે કે પરત ફરનારાઓ માટે ભોજન અને તબીબી સુવિધાઓની વ્યવસ્થા કરવામાં આવી છે. મંત્રાલયે તમામ વિદેશી નાગરિકોને કાયદેસર રોકાણ માટેની શરતો પૂર્ણ કરવાની સલાહ આપી છે.

૮ લાખથી વધુ અફઘાન નાગરિકતા કાર્ડ ધારકોને અસર

સંયુક્ત રાષ્ટ્ર (યુએન) ના ડેટા અનુસાર, પાકિસ્તાનમાં 8 લાખથી વધુ અફઘાન નાગરિકતા કાર્ડ (એસીસી) ધારકો છે. ૧.૩ મિલિયનથી વધુ નોંધાયેલા અફઘાન શરણાર્થીઓ છે, જેમની પાસે રહેઠાણનો પુરાવો (PoR) કાર્ડ છે. જોકે, પાકિસ્તાન સરકારના નિવેદનમાં એ સ્પષ્ટ કરવામાં આવ્યું નથી કે આ હકાલપટ્ટીનો આદેશ પીઓઆર કાર્ડ ધારકો પર લાગુ થશે કે નહીં. અત્યાર સુધીમાં 8 લાખથી વધુ અફઘાન નાગરિકો પાકિસ્તાનથી ઘરે પરત ફરી ચૂક્યા છે. છેલ્લા ચાર દાયકામાં, પાકિસ્તાને આશરે 28 મિલિયન અફઘાન શરણાર્થીઓને આશ્રય આપ્યો છે.

પાકિસ્તાનના આ આદેશથી અમેરિકા અને પશ્ચિમી દેશોમાં પુનર્વસનની રાહ જોઈ રહેલા હજારો અફઘાન નાગરિકોને પણ અસર થશે. આ હકાલપટ્ટીનો આદેશ 2021 માં તાલિબાન સત્તામાં આવ્યા પછી અમેરિકા અને અન્ય પશ્ચિમી દેશોમાં પુનર્વસનની રાહ જોઈ રહેલા હજારો અફઘાન નાગરિકોને પણ અસર કરશે.

આ પણ વાંચો: ગુજરાતમાં જોવા મળશે આજે ઐતિહાસિક ક્ષણ: પહેલી વાર પીએમ મોદીની સુરક્ષા મહિલા પોલીસકર્મી સંભાળશે