ટ્રમ્પ સરકારને અદાલતનો ઝટકો, USAID અને વિદેશ વિભાગ હિસ્સાધારકોને 2 અબજ ડોલરનો આપવાનો હુકમ

વોશિંગ્ટન, 7 માર્ચ: અમેરિકામાં એક પ્રાંતીય અદાલતના ન્યાયાધીશે ટ્રમ્પ સરકારે USAID અને વિદેશી વિભાગના હિસ્સાધારકોને 2 અબજ ડોલરની ચૂકવણી કરવા માટે સોમવાર સુધીનો સમય આપ્યો છે. ગુરુવારે આ આદેશ સાથે જ, વહીવટીતંત્ર દ્વારા વિદેશી સહાયતા પર લગાવવામાં આવેલી છ સપ્તાહનો બ્રેક પણ ખત્મ થઇ ગયો છે.

આ ઘટનાને વિગતે જોઇએ તો એક પ્રાંતીય ન્યાયાધીશે ટ્રમ્પ સરકારને USAID અને વિદેશ વિભાગના હિસ્સાધારકોને 2 અબજ ડોલરની ચૂકવણી કરવા માટે સોમવાર સુધીનો સમય આપ્યો છે. ગુરુવારે આપેલા આ હુકમ સાથે વહીવટીતંત્ર તરફથી વિદેશી સહાયતા પર છ મહિના સુધી લગાવવામાં આવેલી બ્રેક પણ ખતમ થઇ ગઇ છે. આ નિર્ણય ટ્રમ્પ સરકાર માટે એક મોટો પડકાર સાબિત થઇ શકે છે.

અમેરિકા જિલ્લા ન્યાયાધીશ આમિર અલીએ એવા બિન નફાકાર જૂથો અને વ્યવસાયોના પક્ષમાં ચૂકાદો સંભળાવ્યો હતો, જેમણે ફંડીંગ બંધ કરવા વિરુદ્ધ દાવો માંડ્યો હતો. વહીવટીતંત્રના આ પગલાંથી દુનિયાભરના સંગઠનોની સેવામાં કાપ મુકવા અને હજ્જારો શ્રમિકોને નોકરીમાંથી કાઢી મુકવા પર મજબૂર બનવું પડ્યુ હતુ. આ કેસની સૂનાવણી દરમિયાન અદાલતે અનેક સવાલો ઉઠાવ્યા હતા, જેનાથી ટ્રમ્પના તંત્રના એક તર્ક પર શંકા પેદા થાય છે કે રાષ્ટ્રપતિઓની પાસે વિદેશી સહાયતા સહિત વિદેશ નીતિના મામલામાં કોંગ્રેસના નિર્ણયોને રદ કરવાનો વ્યાપક અધિકાર છે.

અલીએ સરકારના તર્ક પર ટિપ્પણી કરતા કહ્યું કે, “એ કહેવું કે ફાળવણી વૈકલ્પિક છે તે રાષ્ટ્રને હચમચાવી નાખનાર પ્રસ્તાવ હશે.” તેમણે સરકારી વકીલ ઇન્દ્રનીલ સૂરને પૂછ્યું હતુ કે, “મારો તમને પ્રશ્ન છે કે, તમે બંધારણીય દસ્તાવેજમાં આ વાત ક્યાંથી લાવ્યા છો?” ગુરુવારનો આદેશ એવા કિસ્સામાં આવ્યો છે જ્યારે વહીવટીતંત્ર વિશ્વભરમાં 90 ટકા USAID કરારોને ઝડપી સમાપ્ત કરવાથી વધુ નિર્ણયો લે તેવી અપેક્ષા છે.

USAID દ્વારા ભંડોળ રોકવાના ટ્રમ્પ વહીવટીતંત્રના પ્રયાસને સુપ્રીમ કોર્ટે ફગાવી દીધાના એક દિવસ બાદ ફેડરલ ન્યાયાધીશ દ્વારા અલીનો ચુકાદો આવ્યો છે. હાઈકોર્ટે અલીને સ્પષ્ટતા કરવાનો નિર્દેશ આપ્યો છે કે સરકારે તેના અગાઉના આદેશનું પાલન કરવા માટે શું કરવું જોઈએ, જેમાં પહેલાથી જ થઈ ગયેલા કામ માટે તાત્કાલિક ભંડોળ મુક્ત કરવાની માંગ કરવામાં આવી હતી.

20 જાન્યુઆરીએ રાષ્ટ્રપતિ ડોનાલ્ડ ટ્રમ્પ દ્વારા હસ્તાક્ષર કરાયેલા એક એક્ઝિક્યુટિવ ઓર્ડર હેઠળ ભંડોળ સ્થગિત કરવામાં આવ્યું હતું. અલીએ કામચલાઉ પ્રતિબંધનો આદેશ જારી કર્યા પછી અને પહેલાથી જ થઈ ગયેલા કામ માટે ચૂકવણી ચૂકવવા માટે સમયમર્યાદા નક્કી કર્યા પછી વહીવટીતંત્રે કેસની અપીલ કરી હતી. વહીવટીતંત્રે જણાવ્યું હતું કે તેણે સંપૂર્ણ ખર્ચ સ્થગિત કરવાને બદલે વ્યક્તિગત નિર્ણયો લાગુ કર્યા છે, જેના પરિણામે 5,800 USAID કરાર અને 41,000 સ્ટેટ ડિપાર્ટમેન્ટની ગ્રાન્ટ રદ કરવામાં આવી છે, જે કુલ થઇને 60 અબજ ડોલર થવા જાય છે.

આ પણ વાંચોઃ કાર્યવાહી કરો, તમને કોણે રોક્યા છે? PoK મુદ્દે CM ઓમર અબ્દુલ્લાએ આપી પ્રતિક્રિયા