લ્યો બોલો, ડ્રાય ગુજરાતમાં દર 4 સેકંડે પકડાય છે વિદેશી દારૂની બોટલ

અમદાવાદ, તા. 5 માર્ચ, 2025ઃ ગુજરાતમાં દારૂબંધીના કડક દાવા વચ્ચે રોજબરોજ ક્યાંકને ક્યાંક મોટા પ્રમાણમાં દારૂનો જથ્થો ઝડપાય છે. જેના પરથી ગુજરાતમાં દારૂબંધી માત્ર નામની જ હોવાનું સાબિત થાય છે. ટાઈમ્સ ઓફ ઈન્ડિયાના અહેવાલ મુજબ, 2024માં ગુજરાતમાં ભારતીય બનાવટના વિદેશી દારૂની (IMFL) રૂપિયા 144 કરોડની કિંમતની 82 લાખ બોટલ ઝડપાઈ હતી. અમદાવાદ, વડોદરા, સુરત, નવસારી અને ભાવનગરમાં મોટા પાયે જથ્થો ઝડપાયો હતો. રાજ્યમાં દર ચોથી સેકંડે દારૂની બોટલ ઝડપાઈ હતી.

4,38,047 બોટલ અમદાવાદ શહેર, અમદાવાદ ગ્રામ્ય અને વેસ્ટર્ન રેલવેને અધિકાર ક્ષેત્રમાંથી જપ્ત કરવામાં આવી હતી. માત્ર અમદાવાદ શહેરાં જ 3.06 લાખ ભારતીય બનાવટના વિદેશી દારૂની બોટલ ઝડપાઈ હતી અને 2139 કેસ નોંધાયા હતા. જ્યારે 1.58 લાખ લિટર દેશી દારૂ અને 7796 કેસ નોંધાયા હતા.

વડોદરા ગ્રામ્યમાં અધિકારીઓએ ટ્રક અને ગોડાઉનમાં ગુપ્ત ખાનામાં છુપાવેલો 9.8 કરોડ રૂપિયાનો દારૂ ઝડપાયો હતો. સુરત ગ્રામ્યમાં પણ 8.9 કરોડ રૂપિયાની આઇએમએફએલ આંતરરાજ્ય પરિવહન રેકેટમાં મળી આવી હતી. નવસારીમાં 6.23 લાખ આઇએમએફએલ બોટલ જપ્ત કરવામાં આવી હતી, જે પડોશી રાજ્યોમાં કાર્યરત હાઇ-ટેક મેન્યુફેક્ચરિંગ એકમોમાં મળી આવી હતી. ગોધરામાં 8.8 કરોડ રૂપિયાની આઇએમએફએલ બોટલ જપ્ત કરવામાં આવી છે. ભાવનગરમાં 8.7 કરોડ રૂપિયાની આઇએમએફએલ અને દેશી દારૂ પાણીની ટાંકીઓમાં છુપાવીને અને તાજા શાકભાજીમાં છુપાવીને લાવવામાં આવતો હતો તેને જપ્ત કરવામાં આવ્યો હતો.

એક્સપર્ટ આ આંકડાને પોલીસ કાર્યવાહીને આભારી માને છે. તેમના કહેવા મુજબ, આ માત્ર હિમશીલાની ટોચ હોઈ શકે છે. જો કે, એક નિવૃત્ત ડીજીપીએ કહ્યું કે પડોશી રાજ્યોમાંથી દારૂ અને દાણચોરીનો પ્રવાહ રોકવો માનવીય રીતે શક્ય નથી.
પોલીસે સ્થાનિક સ્તર પર પણ કડક કાર્યવાહી કરવાની જરૂર છે. જાગૃતિનો અભાવ વધુ લઠ્ઠાકાંડ તરફ દોરી શકે છે તેમ નિવૃત્ત અધિકારીએ જણાવ્યું હતું.

આ પણ વાંચોઃ ગુજરાતમાં NFSA હેઠળ 3.72 કરોડ લાભાર્થીઓને મળી રહ્યો છે પ્રધાનમંત્રી ગરીબ કલ્યાણ અન્ન યોજનાનો લાભ