નેવિગેશને ખોટો રસ્તો બતાવ્યો, આગળ 30 ફૂટ ઉંડી ગટર; પછી શું થયું? જાણો

ઉત્તરપ્રદેશ, 5 માર્ચ 2025 :  ગ્રેટર નોઈડાના સેક્ટર-પી4માં 31 વર્ષીય સ્ટેશન માસ્ટરની કાર 30 ફૂટ ઊંડા નાળામાં પડી ગઈ, જેના કારણે તેનું અવસાન થયું. પોલીસે મંગળવારે આ જાણકારી આપી. તેમણે કહ્યું કે આ ઘટના શનિવારે બની જ્યારે દિલ્હીના મંડાવલીનો રહેવાસી ભરત સિંહ ગ્રેટર નોઈડામાં એક લગ્નમાં હાજરી આપવા જઈ રહ્યો હતો. સ્થાનિક લોકોનું માનવું છે કે સિંઘ તેના મોબાઈલ પર ખોટા નેવિગેશનને કારણે ગેરમાર્ગે દોરાયો હોઈ શકે છે પરંતુ પોલીસે જણાવ્યું હતું કે આ દાવાને સમર્થન આપવા માટે કોઈ પુરાવા નથી કારણ કે સિંઘનો મોબાઈલ ફોન રિકવર થયો નથી. ઉલ્લેખનીય છે કે આ સમગ્ર મામલો ગ્રેટર નોઈડાના બીટા 2 વિસ્તારના પી3 સેક્ટર પાસેનો છે.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો 

https://chat.whatsapp.com/LuLIACK4WTYDPGdlAsSGrD

https://chat.whatsapp.com/FU8bgMOynfgJl4wCoEeiJw

https://chat.whatsapp.com/K2iNelyylPD9ZoDNpMuN9o

ખોટા નેવિગેશને જીવ લીધો

આ ઘટના કેન્દ્રીય વિહાર 2 સોસાયટીની સામે બની છે, જ્યાં રસ્તો અચાનક ખતમ થઈ ગયો અને તેનો રસ્તો ઊંડા ગટરમાં ગયો. જેના કારણે ડ્રાઈવર રસ્તો ભટકી ગયોં અને તેની કાર લગભગ 30 ફૂટ ઉંડી નાળામાં પડી ગઈ. મળતી માહિતી મુજબ, મૃતક મંડાવલીનો રહેવાસી હતો અને તે રેલવેમાં સ્ટેશન માસ્ટર હતો. વાત જાણે એમ છે કે તે એક લગ્ન પ્રસંગમાં હાજરી આપવા માટે બહાર ગયો હતો. આ દરમિયાન તેણે જીપીએસ ચાલુ કર્યું, ત્યારબાદ તે નેવિગેશન દ્વારા લગ્ન પ્રસંગમાં જઈ રહ્યો હતો. ત્યારપછી રસ્તો આગળ વધીને એક ઊંડા નાળામાં જોડાઈ ગયો, ત્યાર બાદ તેની કાર ગટરમાં પડી ગઈ અને તેનું અવસાન થયું.

પ્રત્યક્ષદર્શીઓએ આ જણાવ્યું હતું
ઘટનાની માહિતી મળતાં જ પોલીસ ઘટનાસ્થળે પહોંચી હતી અને ઘણી જહેમત બાદ તેને બહાર કાઢવામાં આવ્યો હતો. તેને બહાર કાઢવામાં આવ્યો ત્યાં સુધીમાં તેનું અવસાન થઈ ચૂક્યું હતું. આ ઘટનાના પ્રત્યક્ષદર્શીઓએ જણાવ્યું કે કાર સામેથી આવી રહી હતી. એવું લાગતું હતું કે આગળ કોઈ રસ્તો છે પણ તે રસ્તો ગટર સાથે જોડાઈ રહ્યો હતો. આ ગટરમાં પડી જતાં સ્ટેશન માસ્તરનું મૃત્યુ થયું હતું. ઘટનાની માહિતી મળતાં જ પોલીસ ઘટનાસ્થળે પહોંચી હતી અને કાર અને સ્ટેશન માસ્ટરને બહાર કાઢ્યા હતા, પરંતુ ત્યાં સુધીમાં તેમનું અવસાન થઈ ગયું હતું. પ્રત્યક્ષદર્શીઓએ જણાવ્યું હતું કે અહીં અવારનવાર આવા અકસ્માતો થાય છે.

આ પણ વાંચો : ગોધરા કાંડના 14 સાક્ષીઓની સુરક્ષા હટાવાઈ, સિક્યોરિટીમાં તૈનાત હતા CISFના 150 જવાનો