રુદ્રાક્ષનું કનેક્શન માત્ર આસ્થા નહિ હેલ્થ સાથે પણ, જાણો અનેક ફાયદા
- રુદ્રાક્ષ પહેરવાથી બ્લડ પ્રેશર, ચિંતા, હતાશા વગેરે જેવી ઘણી સમસ્યાઓ દૂર થાય છે, તે આસ્થાના પ્રતીકની સાથે હેલ્થનું પણ ધ્યાન રાખે છે
HD ન્યુઝ ડેસ્કઃ ભગવાન શિવના પ્રિય રુદ્રાક્ષને હિન્દુ ધર્મમાં ખૂબ મહત્ત્વ આપવામાં આવે છે. રુદ્રાક્ષની ખાસિયત એ છે કે તેનું ધાર્મિક મહત્ત્વ તો છે જ, પણ તે અજાણતાં પણ અદ્ભુત સ્વાસ્થ્ય લાભો પણ આપે છે. ઈન્ટરનેશનલ યુનિવર્સિટી ફ્લોરિડાના વૈજ્ઞાનિકોના મતે રુદ્રાક્ષ મગજ માટે ખૂબ જ ફાયદાકારક છે. તેમાં હાજર ઇલેક્ટ્રોમેગ્નેટિક શક્તિ શરીર પર જાદુઈ રીતે કામ કરી શકે છે અને બ્લડ પ્રેશર, ચિંતા, હતાશા વગેરે જેવી ઘણી સમસ્યાઓને દૂર કરવામાં મદદ કરે છે. રુદ્રાક્ષ પહેરવાથી અનેક તકલીફો દૂર થાય છે.
રુદ્રાક્ષ પહેરવાથી મળે છે આ 5 સ્વાસ્થ્ય લાભ
બ્લડ પ્રેશર
રુદ્રાક્ષના બીજને રાતભર પાણીથી ભરેલા વાસણમાં રાખવાથી અને પછી સવારે ખાલી પેટે પાણી પીવાથી બ્લડ પ્રેશર નિયંત્રણમાં રહે છે અને હૃદયના ધબકારા પણ સામાન્ય રહે છે.
માનસિક સમસ્યાઓ દૂર થાય છે
રિસર્ચ મુજબ બહુમુખી રુદ્રાક્ષમાં ઈલેક્ટ્રોમેગ્નેટિક ગુણધર્મો હોય છે. જે મગજ પર સારી અસર કરે છે. આયુર્વેદ અનુસાર રુદ્રાક્ષની મદદથી ઘણા માનસિક રોગો મટાડી શકાય છે. રુદ્રાક્ષને દોરીમાં બાંધીને પહેરવાથી માથાનો દુખાવો, માઈગ્રેનમાં રાહત મળે છે ફોકસ, મેન્ટલ સ્ટેમિના અને મેમરીમાં સુધારો થાય છે.
સ્ટ્રેસથી રાહત
રુદ્રાક્ષની માળા પહેરવાથી તણાવ અને હતાશાની સમસ્યાઓથી રાહત મળે છે. તેમાં રહેલા કુદરતી ઈલેક્ટ્રોમેગ્નેટિક ગુણધર્મો શરીરની ન્યુરોલોજીકલ સિસ્ટમને સંતુલિત કરવામાં મહત્ત્વની ભૂમિકા ભજવે છે. રુદ્રાક્ષ તણાવ માટે જવાબદાર કોર્ટિસોલ હોર્મોનના સ્તરને નિયંત્રિત કરવામાં મદદ કરી શકે છે.
બ્લડ ફ્લો સુધારે છે
રુદ્રાક્ષની માળા તેના ડાયનેમિક ગુણધર્મોને કારણે ચુંબકની જેમ કામ કરે છે. ચુંબકીય પ્રભાવને કારણે રુદ્રાક્ષ શરીરની અવરોધિત ધમનીઓ અને નસોની સમસ્યાને દૂર કરવામાં મદદ કરે છે. તેને પહેરવાથી રક્ત પ્રવાહ સુધરે છે. એટલું જ નહીં રુદ્રાક્ષની માળા પહેરવાથી શરીરના દુખાવામાં પણ રાહત મળે છે.
એન્ટીઈન્ફ્લેમેટરી ગુણ
રુદ્રાક્ષની માળામાં એન્ટીઈન્ફ્લેમેટ્રી અને એન્ટીબેક્ટેરિયલ ગુણધર્મો હોય છે. રુદ્રાક્ષની માળા પહેરવાથી અથવા પલાળેલા રુદ્રાક્ષનું પાણી પીવાથી શરીરમાં બળતરા અને સોજો ઓછો થાય છે. પલાળેલા રુદ્રાક્ષનું પાણી પીવાથી રોગપ્રતિકારક શક્તિ પણ વધે છે.
આ પણ વાંચોઃ ગરમીમાં આ પાંચ વસ્તુ તમને બીમાર નહિ પડવા દે, આપશે પોષણ
