ગુજરાતના IPS હસમુખ પટેલને થયો કોરોના, ટ્વિટ કરીને આપી જાણકારી

ગુજરાતમાં કોરોના સંક્રમણ દિવસે ને દિવસે કોરોના કેસ માં વધારો થઇ રહ્યો છે. તેમાં રાજયના IPS હસમુખ પટેલ કોરોના સંક્રમિત થયા છે. જેમાં હસમુખ પટેલે ટ્વિટ કરી કોરોના સંક્રમણની જાણકારી આપી છે. હસમુખ પટેલ LRD ભરતી બોર્ડના અધ્યક્ષ છે.

મારો કોરોના રિપોર્ટ પોઝિટિવ આવ્યો છે, મારા સંપર્કમાં આવેલા લોકો જરૂરી કાળજી લે.

— Hasmukh Patel (@Hasmukhpatelips) August 14, 2022

ગુજરાતમાં કોરોના સંક્રમણના કેસમાં વધારો થયો
ગુજરાતમાં કોરોના કેસમાં દૈનિક આંકડામાં ફરીથી વધારો નોંધાયો છે. બીજી તરફ કોરોનાથી મોતના દૈનિક આંકડા પણ ચિંતા વધારી રહ્યાં છે. સ્વાસ્થ્ય વિભાગના આંકડા અનુસાર, છેલ્લા 24 કલાકમાં ગુજરાતમાં કોરોનાના 565 કેસ નોંધાયા છે. જ્યારે આ સમયગાળા દરમિયાન રાજકોટ, મહેસાણા અને ભાવનગરમાં 1-1 દર્દીએ કોરોનાના કારણે પોતાનો જીવ ગુમાવ્યો પડયો છે.