પાકિસ્તાની મહિલાએ છૂટાછેડાનું સેલિબ્રેશન કર્યું અને કહી આ મોટી વાત; જુઓ વીડિયો
પાકિસ્તાન, 1 માર્ચ 2025 : પાકિસ્તાની મહિલા અઝીમા અહસાને પોતાના ડાન્સ વીડિયોથી ઇન્ટરનેટ પર ધૂમ મચાવી દીધી છે. આ વીડિયોનો સંદેશ એટલો જ છે કે છૂટાછેડા પછી જીવન સમાપ્ત થતું નથી. કોઈપણ સ્ત્રી માટે, છૂટાછેડાનો અર્થ એ નથી કે તેનું જીવન સમાપ્ત થઈ ગયું છે.
ડાન્સમાં સ્વત્ંત્રતાની ઝલક દેખાઈ
ત્રણ બાળકોની સિંગલ મધર અઝીમા એક કાર્યક્રમમાં કોક સ્ટુડિયો પાકિસ્તાનના ‘મઘરોં લા’ ગીત પર ડાન્સ કરતી જોવા મળી હતી. પરંપરાગત પોશાકમાં તેણીના ભવ્ય અભિનયથી પ્રેક્ષકો મંત્રમુગ્ધ થઈ ગયા. વીડિયો પર લખાણ હતું, “છૂટાછેડા લીધેલી પાકિસ્તાની માતા માટે આનાથી સારું ગીત કયું હોઈ શકે છે?”
View this post on Instagram
સમાજને યોગ્ય જવાબ
પોતાની પોસ્ટના કેપ્શનમાં, અઝીમાએ છૂટાછેડા વિશે સમાજની વિચારસરણીનો યોગ્ય જવાબ આપ્યો અને લખ્યું – પાકિસ્તાની સમાજમાં, છૂટાછેડાને મૃત્યુદંડ સમાન માનવામાં આવે છે, ખાસ કરીને સ્ત્રીઓ માટે. મને કહેવામાં આવ્યું હતું કે મારું જીવન પૂરું થઈ ગયું છે, મને પસ્તાવો થશે, મારી ખુશીનો અંત આવશે પણ સત્ય એ છે કે હું હજુ પણ સ્મિત કરું છું, હું હજુ પણ નાચું છું.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>
https://chat.whatsapp.com/LuLIACK4WTYDPGdlAsSGrD
https://chat.whatsapp.com/FU8bgMOynfgJl4wCoEeiJw
https://chat.whatsapp.com/K2iNelyylPD9ZoDNpMuN9o
ગૂંગળામણભર્યું જીવન જીવવા કરતાં છૂટાછેડા વધુ સારા
તે પોતાની પોસ્ટમાં આગળ લખે છે – લગ્ન પ્રેમ અને આદર પર આધારિત હોવા જોઈએ, સામાજિક દબાણ પર નહીં. મેં ઘણી પાકિસ્તાની સ્ત્રીઓને ફક્ત ‘છૂટાછેડા લીધેલા’ તરીકે લેબલ થવાના ડરથી પોતાના અસ્તિત્વને ભૂંસી નાખતી જોઈ છે. હું તેમને કહેવા માંગુ છું – તમારી ખુશી મહત્વપૂર્ણ છે. સુકુન મહત્વપૂર્ણ છે. જીવન ચાલતું રહે છે. ડરશો નહીં.
છૂટાછેડાનો અર્થ અંત નથી!
અઝીમાએ અંતમાં લખ્યું, “છૂટાછેડાના બે વર્ષ પછી, હું જીવંત પુરાવો છું કે તમે રડી શકો છો, તમે સાજા થઈ શકો છો, અને પછી… તમે કોઈ પરવા કર્યા વિના નાચી શકો છો.” આ વીડિયો અત્યાર સુધીમાં 1 મિલિયનથી વધુ વખત જોવામાં આવ્યો છે, અને લોકો તેની હિંમતની પ્રશંસા કરી રહ્યા છે.
આ પણ વાંચો : નવા જમાનાની લવ સ્ટોરી લઈને આવ્યા ઈબ્રાહિમ અને ખુશી, જુઓ નાદાનિયાંનું ટ્રેલર
