અમદાવાદની લવ સ્ટોરી: 13 વર્ષ પહેલા સગાઈ તૂટી, હવે નંબર બ્લોક કરી દેતા પ્રેમિકા ગુસ્સે થઈ,આશિક પર ચાકૂના ઘા મારી દીધા

અમદાવાદ, 01 માર્ચ 2025: અમદાવાદમાંથી એક ચોંકાવનારી ઘટના સામે આવી છે. અહીં એક મહિલાએ 13 વર્ષ બાદ પોતાના પૂર્વ મંગેતરને કારથી ટક્કર મારી દીધી અને તેના પર ચાકૂથી હુમલો કરી દીધો. હકીકતમાં જોઈએ તો, 13 વર્ષ પહેલા મહિલાની સગાઈ તૂટી ગઈ હતી, જેના કારણે તેણે યુવક સાથે અદાવત હતી. મહિલાએ યુવક પર હુમલો કરતા કહ્યું કે, તું મારી સાથે વાત કેમ નથી કરતો અને મારો નંબર કેમ બ્લોક કરી દીધો? ત્યાર બાદ મહિલાએ તેના પેટ, કમર અને પીઠ પર ચાકૂથી ત્રણ વાર ઘા કર્યા. આ દરમ્યાન જેમ તેમ કરીને યુવક જીવ બચાવીને ભાગ્યો.

પ્રાપ્ત વિગતો અનુસાર જોઈએ તો, આ ઘટના 25 ફેબ્રુઆરી સવારની છે, જ્યાં જય નામનો યુવક પોતાનું ટૂ વ્હીલર લઈને ક્યાંક જઈ રહ્યો હતો. આ દરમ્યાન અચાનક રિન્કી નામની યુવતીએ પોતાની કારથી જયને ટક્કર મારી દીધી. ત્યાર બાદ ગુસ્સામાં યુવકને પૂછવા લાગી કે મારી સાથે વાત કેમ નથી કરતો, મારો નંબર કેમ બ્લોક કર્યો છે. તેની સાથે જ મહિલાએ ચાકૂથી યુવક પર અટેક કરી દીધો.

ચાકૂથી હુમલો કર્યો બાદ જીવ બચાવીને જય ભાગ્યો. એક વાહનમાં લિફ્ટ લઈને ઘટનાસ્થળેથી દોડવા જતો હતો. ત્યાર બાદ તેણે આ મામલે ફરિયાદ કરી છે. પોલીસનું કહેવું છે કે જય અમદાવાદમાં આવેલા એક વિસ્તારમાં રહે છે. 13 વર્ષ પહેલા તેની સગાઈ રિન્કી સાથે થઈ હતી. ત્યાર બાદ અમુક પારિવારિક કારણોથી સગાઈ તૂટી ગઈ. બાદમાં 2016માં જય નામના યુવકે કોઈ અન્ય છોકરી સાથે સગાઈ કરી લીધી. આ બાજુ રિન્કી પણ લગ્ન થઈ ગયા.

ગત વર્ષે અચાનક રિન્કીએ જયને ફોન કર્યો અને કહ્યું કે, જો તેમના લગ્ન થયા હોત તો સારુ થાત. ત્યાર બાદ તેણે વાત કરવાની કોશિશ કરી, પણ જયે ના પાડી દીધી. તેમ છતાં રિન્કી સતત તેને કોલ કરતી રહી. થોડા સમય બાદ જયને તેણે જણાવ્યું કે, તેના પતિને તેમના સંબંધ વિશે જાણ થઈ ગઈ છે. ત્યાર બાદ જયે તેનો નંબર બ્લોક કરી દીધો અને ફોન ઉઠાવવાનું બંધ કરી દીધું.

નંબર બ્લોક કરવાથી નારાજ રિન્કીએ 25 ફેબ્રુઆરીની સવારે જય પર હુમલો કરી દીધો. પહેલા તેણે કારથી ટક્કર મારી અને બાદમાં ચાકૂ કાઢીને તેના પર ત્રણ વાર હુમલો કર્યો. જયની ફરિયાદ પર પોલીસે ગુન્હો નોંધી લીધો છે અને આરોપી મહિલાની શોધ ચાલી રહી છે. પોલીસ આ કેસમાં તપાસ કરી રહી છે.

આ પણ વાંચો: કોંગ્રેસ માટે એકનાથ શિંદે બની શકે છે ડીકે શિવકુમાર, ભાજપના મોટા નેતાએ કર્યો ચોંકાવનારો દાવો