મરેલું કૂતરું કહીને સૂટકેસ ગંગામાં પધરાવવા જઈ રહી હતી વહુ પણ હતો સાસુનો મૃતદેહ

કોલકાતા, 27 ફેબ્રુઆરી: 2025: કોલકાતાના કુમારતુલી પાસે ગંગાના ઘાટ પરથી એક ચોંકાવનારા સમાચાર સામે આવ્યા છે. કોલકાતાના કુમ્હારટોલી ઘાટ પર સાસુના મૃતદેહને સુટકેસમાં ભરીને ગંગા નદીમાં ફેંકવાનો પ્રયાસ કરી રહેલી એક પરિણીતા અને તેની માતાની પોલીસે ધરપકડ કરી છે. કેટલાંક લોકોએ પરિણીતાને વાદળી સૂટકેસ નદીમાં ફેંકવા માટે લઈ જતા જોઈ હતી અને શંકાના આધારે તેને અટકાવી હતી. પોતાની માતા સાથે રહેતી પરિણીતાને તેની સાસુ સાથે ઝઘડો થતાં તેણીએ આવેશમાં આવીને હત્યા કરી હતી.

પશ્ચિમ બંગાળના કોલકાતામાં એક ચોંકાવનારો કિસ્સો સામે આવ્યો છે. અહીં, રાત્રિના અંધારામાં, બે સ્ત્રીઓ એક સૂટકેસ લઈને ઘરની બહાર નીકળી. તે હુગલી નદીના કિનારે ચાલી રહી હતી. તેનો ઈરાદો અત્યંત ખતરનાક હતો, સ્થાનિક રહેવાસીઓને આ મહિલાઓની ગતિવિધિઓ પર શંકા ગઈ, લોકોને આશ્ચર્ય થયું કે બે સ્ત્રીઓ આટલી મોડી રાત્રે સૂટકેસ લઈને કેમ ફરતી હતી. તેઓ તે મહિલાઓ પાસે ગયા અને તેમની પૂછપરછ શરૂ કરી. બંનેએ જણાવ્યું કે તેઓ માતા અને પુત્રી છે અને પરિવારનો પાલતુ કૂતરો મરી ગયો હતો અને તેઓએ તેના મૃતદેહને ફેંકી દેવા માટે સુટકેસમાં પેક કર્યો હતો.

મહિલાઓ સૂટકેસ ન ખોલવા પર અડગ હતી
સ્ત્રીઓના શબ્દો સાંભળીને લોકોને તેની પર શંકા વધુ ઘેરી બની, તેથી તેણે તેમને બેગ ખોલીને બતાવવા કહ્યું. પણ બંને જણા તે સૂટકેસ ન ખોલવા પર અડગ હતા. આ કારણે લોકોએ પોલીસને ફોન કર્યો. માહિતી મળતાં જ પોલીસ પણ તાત્કાલિક ત્યાં પહોંચી ગઈ અને ભીડની સામે સૂટકેસ ખોલી. જ્યારે પોલીસે તે સૂટકેસ ખોલી ત્યારે ત્યાં હાજર લોકોના હાંફ ચઢી ગયા. અંદર એક મૃતદેહ હતો, જેની ગરદન કાપી નાખવામાં આવી હતી અને તેના બંને પગ પણ કાપીને સુટકેસમાં ફીટ કરવામાં આવ્યા હતા. આ ઘટના બાદ વિસ્તારમાં ગભરાટનો માહોલ છે. મહિલાનું મૃત્યુ કેવી રીતે થયું અને શા માટે લાશનો નિકાલ કરવાનો પ્રયાસ કરવામાં આવ્યો તે જાણવા માટે પોલીસ તપાસ કરી રહી છે. બેગની અંદરથી મળી આવેલી મૃત મહિલાની ઓળખ સુમિતા ઘોષ તરીકે થઈ છે.

આ પણ વાંચો..વરરાજાને આ ભૂલ એવી ભારે પડી કે લગ્ન કર્યા વિના જાને પાછા જવું પડ્યું