દિલ્હી-નોઈડા સહિત NCRના વાતાવરણમાં પલટો, કેટલાય વિસ્તારમાં થયો ઝરમર વરસાદ
નવી દિલ્હી, 27 ફેબ્રુઆરી 2025: દિલ્હી, નોઈડા સહિત એનસીઆરમાં ગુરુવાર સવારથી હવામાન બદલાયું છે. દિલ્હી અને તેની આજુબાજુના વિસ્તારમાં હળવો વરસાદ થઈ રહ્યો છે. કેટલીય જગ્યાએ વાદળો છવાયેલા છે અને ઝરમર ઝરમર વરસાદ થઈ રહ્યો છે. તેના કારણે તાપમાનમાં ઘટાડો નોંધાયો છે. તાપમાન ઘટવાથી દિલ્હી-એનસીઆરના લાખો લોકોને ગરમીથી રાહત મળી છે. દિલ્હીમાં બુધવારે તાપમાને નવો રેકોર્ડ બનાવ્યો હતો.
વરસાદના કારણે યલો એલર્ટ જારી કરવામાં આવ્યું
હવામાન વિભાગે દિલ્હીમાં વરસાદ માટે યલો એલર્ટ જારી કર્યું છે. આજે દિલ્હી-એનસીઆરમાં હળવાથી મધ્યમ વરસાદ પડી શકે છે. આકાશમાં વાદળો છવાયેલા રહેશે. વિભાગના જણાવ્યા અનુસાર, 2 માર્ચ સુધી દિલ્હીમાં હળવો વરસાદ અથવા ઝરમર વરસાદ થવાની સંભાવના છે. ગુરુવારે દિલ્હીમાં મહત્તમ અને લઘુત્તમ તાપમાન અનુક્રમે 26 અને 18 ડિગ્રી સેલ્સિયસ રહેવાની ધારણા છે.
બુધવારે દિલ્હીમાં તાપમાને નવો રેકોર્ડ બનાવ્યો હતો.
IMD એ જણાવ્યું હતું કે, બુધવારે રાષ્ટ્રીય રાજધાની દિલ્હીમાં સિઝનનું અત્યાર સુધીનું સૌથી વધુ તાપમાન નોંધાયું હતું, મહત્તમ તાપમાન 32 ડિગ્રી સેલ્સિયસ સુધી પહોંચ્યું હતું, જે સરેરાશથી છ ડિગ્રી વધારે હતું. ફેબ્રુઆરી ૨૦૨૫માં નોંધાયેલું મહત્તમ તાપમાન ૩૨ ડિગ્રી હતું, જે ૨૭ ફેબ્રુઆરી, ૨૦૨૩ના રોજ નોંધાયેલા મહત્તમ તાપમાન કરતાં વધારે છે. ગયા વર્ષે આ મહિનામાં મહત્તમ તાપમાન 29.7 ડિગ્રી સેલ્સિયસ નોંધાયું હતું.
આ પણ વાંચો: Bank Holidays in March 2025: માર્ચ મહિનામાં આટલા દિવસ બેન્કો બંધ રહેશે, આ રહી રજાઓની યાદી
