AI રોબોટ એકાએક બન્યો જોખમી, ભીડ પર કર્યો હુમલો, જુઓ વીડિયો
નવી દિલ્હી, 25 ફેબ્રુઆરી: 2025: રોજિંદા જીવનમાં (AI) આર્ટિફિશિયલ ઈન્ટેલિજન્સનો ઉપયોગ થઈ રહ્યો છે. આજના વિશ્વમાં,આર્ટિફિશિયલ ઈન્ટેલિજન્સ દ્વારા નિયંત્રિત રોબોટ્સ વિકસાવવામાં આવી રહ્યા છે. આ રોબોટ્સના ઘણા ફાયદા હોવા છતાં, તેમના ગેરફાયદા વિશે ઘણીવાર ચર્ચાઓ થાય છે. ત્યારે સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં જોઈ શકાય છે કે એક AI રોબોટે માણસો પર હુમલો કર્યો છે. ત્યારે હાજર સુરક્ષા કર્મચારીઓએ તરત જ રોબોટને પકડી લીધો અને તેને દૂર લઈ ગયા હતા.
🚨Chinese AI Robot attacked crowd at festival due to some software glitch. pic.twitter.com/KAeTeoj953
— WarRoom Files (@WarRoom_Files) February 25, 2025
AI એટલે કે આર્ટિફિશિયલ ઈન્ટેલિજન્સ અને AI આધારિત રોબોટ્સ અંગે ઘણા નિષ્ણાતોના મંતવ્યો સતત બહાર આવી રહ્યા છે. કેટલાક તેને માનવ ભવિષ્ય માટે ખતરો કહી રહ્યા છે તો કેટલાક તેને નોકરી ગુમાવવાનો ખતરો કહી રહ્યા છે. સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં જોઈ શકાય છે કે એક AI રોબોટે માણસો પર હુમલો કર્યો છે. આ મામલો ચીનનો છે.
વીડિયોમાં જોઈ શકાય છે કે એક કાર્યક્રમ દરમિયાન, હ્યુમનોઇડ રોબોટ ભીડ તરફ આગળ વધે છે અને લોકોને મુક્કા મારવાનું શરૂ કરે છે. આ પછી, રોબોટને તરત જ કેટલાક લોકોએ પકડી લીધો અને લોકોથી દૂર લઈ ગયો. સદનસીબે, આ ઘટનામાં કોઈને ઈજા થઈ નથી. મીડિયા રિપોર્ટ્સ અનુસાર, રોબોટના સોફ્ટવેરમાં કેટલીક સમસ્યાઓ હતી, જેના કારણે રોબોટે લોકો પર હુમલો કર્યો. આ ઘટના બાદ, AI રોબોટ્સ પર સવાલ ઉભા થયા છે. રોબોટના હાથ અને પગ કઠણ સામગ્રીથી બનેલા છે. આવી સ્થિતિમાં, જો રોબોટ્સ માણસો પર હુમલો કરે છે, તો તેઓ તેમને ગંભીર રીતે ઘાયલ કરી શકે છે.
આ પણ વાંચો..ચીયર્સ! બ્રિટનથી આયાત થતી સ્કૉચ વ્હિસ્કી માટે શોખીનોને મળી શકે છે આનંદના સમાચાર
