દિલ્હીની મફત બસ સેવા અંગે CAG રિપોર્ટમાં મોટો ખુલાસો, DTCને કેવી રીતે થયું 35 હજાર કરોડ રૂપિયાનું નુકસાન?
નવી દિલ્હી, 25 ફેબ્રુઆરી 2025 : આજે દિલ્હી વિધાનસભામાં 14 CAG રિપોર્ટ રજૂ કરવામાં આવશે. આમાંનો એક અહેવાલ ડીટીસી બસો સંબંધિત છે. આ પહેલો અહેવાલ છે જેને AAP સરકારે વિધાનસભામાં રજૂ કરવાનો ઇનકાર કર્યો હતો. દિલ્હી ટ્રાન્સપોર્ટ કોર્પોરેશનની બસો અંગે CAG એ જણાવ્યું હતું કે 2015-16માં દિલ્હી ટ્રાન્સપોર્ટ કોર્પોરેશનનું નુકસાન 25 હજાર 300 કરોડ રૂપિયા હતું. જે 2021-22માં વધીને 60 હજાર 750 કરોડ રૂપિયા થઈ ગયો છે.
CAGના રિપોર્ટ મુજબ, 45 ટકા બસો સંપૂર્ણપણે ભંગાર બની ગઈ છે. ટાઇમ્સ ઓફ ઇન્ડિયાના અહેવાલ મુજબ, 2009 થી ડીટીસી બસોના ભાડામાં કોઈ ફેરફાર કરવામાં આવ્યો નથી. મહિલાઓ માટે મફત બસ સેવા યોજના શરૂ થતાં આ ભારણ વધુ વધ્યું છે. CAG એ કહ્યું કે DTC ને ખોટમાંથી બહાર કાઢવા માટે એક નક્કર યોજનાની જરૂર છે. ઉલ્લેખનીય છે કે 2015માં અરવિંદ કેજરીવાલે DTC ની તૂટેલી બસોને બદલવા માટે 10 હજાર નવી બસો ખરીદવાની જાહેરાત કરી હતી.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
45 ટકા બસો કચરો બની ગઈ છે
ઉલ્લેખનીય છે કે 2007 માં દિલ્હી હાઈકોર્ટે કહ્યું હતું કે ડીટીસી પાસે 11 હજાર બસોનો કાફલો હોવો જોઈએ. પાંચ વર્ષ પછી, દિલ્હી કેબિનેટે નિર્ણય લીધો કે દિલ્હીમાં 5500 બસો હશે. CAGના અહેવાલ મુજબ, માર્ચ 2022ના અંત સુધીમાં, DTC પાસે 3937 બસોનો કાફલો હતો. જેમાંથી ૧૭૭૦ એટલે કે લગભગ 45 ટકા બસો ભંગાર બની ગઈ છે. જ્યારે ૧૦ વર્ષથી વધુ જૂની લો ફ્લોર બસો આવતા મહિનાના અંત સુધીમાં દૂર કરવાની હતી.
3૦૦ નવી બસો ખરીદી
આપ સરકારે 2022 માં 300 નવી બસો ખરીદી હતી, પરંતુ તેમ છતાં 1740 બસોની અછત હતી. CAG રિપોર્ટમાં ખુલાસો થયો છે કે AAP સરકારે FAME-1 યોજના હેઠળ મળેલા 49 કરોડ રૂપિયાનો લાભ પણ લીધો નથી. FAME-II હેઠળ ઇલેક્ટ્રિક બસો માટેનો કરાર સમયગાળો 12 વર્ષથી ઘટાડીને 10 વર્ષ કરવામાં આવ્યો છે.
રૂટ અંગે પણ ઘણી ખામીઓ છે
આ ઉપરાંત, CAG એ રૂટ સંબંધિત ઘણી ખામીઓ પણ ઉજાગર કરી. રિપોર્ટ અનુસાર, દિલ્હીમાં 468 રૂટ પર બસો ચલાવવામાં આવી રહી છે. કોઈપણ રૂટ પર દોડતી કોઈપણ બસ તે રૂટ પરના ખર્ચની વસૂલાત કરવામાં નિષ્ફળ ગઈ છે. આના કારણે, DTC ને 2015 થી 2022 સુધીમાં 14,199 કરોડ રૂપિયાનું નુકસાન થયું.
આ પણ વાંચો : VIDEO: ટ્રકનું ટાયર ફાટ્યું તો બાજુમાંથી પસાર થઈ રહેલી રિક્ષા હવામાં ઉડી ગઈ
