નવી દિલ્હી, તા. 24 ફેબ્રુઆરી, 2025: સરકારી ટેલિકોમ કંપની બીએસએનએલે પોતાના પ્રીપેડ ગ્રાહકો માટે એક નવો પ્લાન લોન્ચ કર્યો છે. કંપનીએ તેના રિચાર્જ પ્લાનની વેલિડિટી થોડી લંબાવી છે. જો તમે ઓછા ખર્ચે લાંબા સમય સુધી સિમ કાર્ડને એક્ટિવ રાખવા માંગતા હો, તો બીએસએનએલ પાસે આવા ઘણા વિકલ્પો છે. ગયા વર્ષે ઘણી ખાનગી કંપનીઓએ તેમના રિચાર્જ પ્લાનની કિંમતોમાં વધારો કર્યો હતો. પરંતુ આ સરકારી ટેલિકોમ કંપની હજુ પણ ગ્રાહકોને જૂની કિંમતે રિચાર્જ પ્લાન આપી રહી છે.
શું છે આ પ્લાન
800 રૂપિયાથી ઓછી કિંમત માટે 300 દિવસની વેલિડિટી જો તમે પણ બીએસએનએલ સિમનો ઉપયોગ કરી રહ્યા છો અને વધુ કોલિંગ અને ડેટાની જરૂર નથી, તો તમારા માટે એક સારો પ્લાન છે.જેમાં સિમને 300 દિવસ સુધી સક્રિય રાખી શકાય છે. બીએસએનએલનો નવો પ્રીપેડ પ્લાન રૂ. 797નો છે. આ પ્લાનના ફાયદાઓની વાત કરીએ તો યૂઝર્સને કોલિંગ અને ડેટામાં કેટલીક મર્યાદા મળે છે. પ્લાનમાં તમને પહેલા 60 દિવસ માટે અનલિમિટેડ ફ્રી કોલિંગ અને ડેટા બેનિફિટ મળશે. તમે પ્રથમ 60 દિવસ માટે તમામ નેટવર્ક પર અમર્યાદિત મફત કૉલ્સ કરી શકો છો.
તમને પ્રથમ 60 દિવસ માટે ડેટા લાભ પણ મળશે. આ પ્લાનમાં તમને દરરોજ 2GB ડેટા પણ મળશે. આ પ્લાનમાં કુલ 120GB ડેટા મળે છે. આ સિવાય યૂઝર્સને ફ્રી વોઈસ કોલિંગની સાથે એસએમએસની પણ સુવિધા મળશે. આ પ્લાનમાં 60 દિવસ માટે દરરોજ 100 ફ્રી એસએમએસ પણ મળે છે.
આ પણ વાંચોઃ ખેરાલુમાં નાયબ મામલતદાર રૂપિયા 10,000ની લાંચ લેતા એસીબીના છટકામાં ઝડપાયો
