ઘરે બેઠા મહાકુંભમાં ‘ડિજિટલ સ્નાન’, અનોખા સ્ટાર્ટઅપનો વીડિયો વાયરલ
પ્રયાગરાજ, 23 ફેબ્રુઆરી 2025 : કેટલાક લોકો નોકરી કરીને પૈસા કમાય છે તો કેટલાક વ્યવસાય કરીને. લોકો પૈસા માટે કંઈ પણ કરે છે. આવો જ એક વીડિયો સોશિયલ મીડિયા પર સામે આવ્યો છે. ઉત્તર પ્રદેશના પ્રયાગરાજમાં ચાલી રહેલા મહાકુંભમાં લોકો પવિત્ર ડૂબકી લગાવી રહ્યા છે, આ મામલો તેની સાથે જોડાયેલો છે. વીડિયોમાં, એક સ્થાનિક વ્યક્તિ જેઓ કોઈ કારણોસર મેળામાં હાજરી આપી શકતા નથી તે બધા જ લોકોને કુંભમાં ડિજિટલ સ્નાન કરાવી રહ્યો છે . તે માણસ કહે છે કે તેઓ તેને વોટ્સએપ દ્વારા પોતાનો ફોટો મોકલી શકે છે. તે તે ફોટોગ્રાફ્સને સંગમમાં બોળીને તેમને પ્રતીકાત્મક સ્નાન કરાવે છે. વ્યક્તિએ આ સેવાની કિંમત ૧૧૦૦ રૂપિયા રાખી છે. આ વીડિયો ૧૯ ફેબ્રુઆરીના રોજ ઇન્સ્ટાગ્રામ હેન્ડલ @echo_vibes2 પર અપલોડ કરવામાં આવ્યો છે
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
વીડિયોમાં એક છોકરી કહેતી જોવા મળે છે કે જેઓ કોઈ કારણસર મહાકુંભમાં આવી શકતા નથી. આવા લોકો માટે તે તેમને એક વ્યક્તિ સાથે વાત કરાવે છે. વીડિયોમાં દેખાતો વ્યક્તિ પોતાને દીપક ગોયલ તરીકે ઓળખાવે છે. આ પછી તે વ્યક્તિ કહે છે કે તે ડિજિટલ ફોટોને મહાકુંભમાં સ્નાન કરાવે છે. તમારે ફક્ત તેમને WhatsApp દ્વારા ફોટો મોકલવાનો રહેશે. હું તે ફોટાનું ડિજિટલ પ્રિન્ટઆઉટ લઈશ. પછી હું તે ફોટોગ્રાફ્સને સંગમમાં સ્નાન કરાવડાવીશ. આ માટે તમારે ફક્ત ૧૧૦૦ રૂપિયા ચૂકવવા પડશે.
View this post on Instagram
મહાકુંભ 26 ફેબ્રુઆરીએ સમાપ્ત થશે
આ વીડિયો પર યુઝર્સ પોતાની પ્રતિક્રિયા આપી રહ્યા છે. ઘણા યુઝર્સ આ વીડિયો પર પોતાનો ગુસ્સો વ્યક્ત કરી રહ્યા છે. એક યુઝરે લખ્યું છે કે તમને શરમ આવવી જોઈએ. તમે સનાતન ધર્મની મજાક ઉડાવી રહ્યા છો. બીજા એક યુઝરે લખ્યું છે કે ચીન પાસે ડીપસીક છે, આપણી પાસે ડીપસ્નાન છે. કેટલાક યુઝર્સ તેને અંધ ભક્તિ અને અદ્ભુત ટોપેબાજી કહી રહ્યા છે. ઉલ્લેખનીય છે કે મહા કુંભ મેળો વિશ્વનો સૌથી મોટો ધાર્મિક કાર્યક્રમ બની ગયો છે. મહાકુંભ ૧૩ જાન્યુઆરીથી શરૂ થયો હતો, જે ૨૬ ફેબ્રુઆરીએ મહાશિવરાત્રીના દિવસે સમાપ્ત થશે.
આ પણ વાંચો : PM મોદીની અનોખી પહેલ: એક દિવસ માટે મહિલાઓને સોંપશે પોતાના સોશિયલ મીડિયા એકાઉન્ટ્સ
