બોલો, ચેમ્પિયન્સ ટ્રોફીની પ્રાઈઝ મની આ આઈપીએલ ખેલાડીઓના વાર્ષિક પગાર કરતા પણ ઓછી!!

નવી દિલ્હી, 15 ફેબ્રુઆરી : શા માટે ખેલાડીઓ ઈન્ડિયન પ્રીમિયર લીગ એટલે કે આઈપીએલને મહત્વ આપે છે?  જો તમારે તેની પાછળનું કારણ જાણવું હોય તો તમારે તેની નાણાકીય ક્ષમતા જોવી પડશે. તમને જાણીને નવાઈ લાગશે કે ICC ચેમ્પિયન્સ ટ્રોફી 2025 જીતનારી આખી ટીમને એટલી રકમ નહીં મળે જેટલી IPL 2025માં એક ખેલાડીને મળશે.

IPL 2025માં કુલ 6 એવા ખેલાડી છે, જેમની આ સિઝનમાં સેલરી 20 કરોડ રૂપિયાથી વધુ હશે. ICC ચેમ્પિયન્સ ટ્રોફી 2025 ની વિજેતા ટીમને ઈનામ તરીકે લગભગ 20 કરોડ રૂપિયા જ મળશે. ત્યારે ઋષભ પંત, શ્રેયસ ઐયર, વેંકટેશ ઐયર, હેનરિક ક્લાસેન, વિરાટ કોહલી અને નિકોલસ પૂરનનો IPL 2025નો પગાર રૂ. 21 કરોડ કે તેથી વધુ છે.  આવી સ્થિતિમાં, તમે અંદાજ લગાવી શકો છો કે IPLની બ્રાન્ડ વેલ્યુ કેટલી છે.

ICCએ શુક્રવારે, 14 ફેબ્રુઆરીએ જાહેરાત કરી છે કે ચેમ્પિયન્સ ટ્રોફી 2025ની વિજેતા ટીમને 2.40 મિલિયન યુએસ ડોલરનું ઇનામ મળશે. ભારતીય ચલણમાં આ રકમ લગભગ 20 કરોડ રૂપિયા છે, જ્યારે ઋષભ પંતની આઈપીએલ સેલરી 27 કરોડ રૂપિયા છે.

શ્રેયસ અય્યરને રૂ. 26.75 કરોડમાં વેચવામાં આવ્યો હતો, જ્યારે વેંકટેશ ઐયરને KKRએ રૂ. 23.75 કરોડમાં ખરીદ્યો હતો. જ્યારે હેનરિક ક્લાસેનને SRH દ્વારા રૂ. 23 કરોડમાં જાળવી રાખવામાં આવ્યા હતા, જ્યારે વિરાટ કોહલી અને નિકોલસ પૂરનને RCB અને LSG દ્વારા અનુક્રમે રૂ. 21-21 કરોડમાં જાળવી રાખ્યા હતા.

હવે કલ્પના કરો કે આખી ટીમને 20 કરોડ રૂપિયા મળશે, પરંતુ આ ખેલાડીઓને માત્ર એક સિઝનમાં આટલી રકમ મળશે. તમને જાણીને નવાઈ લાગશે કે 2017ની ICC ચેમ્પિયન્સ ટ્રોફીની સરખામણીમાં આ વખતે ઈનામની રકમમાં 53 ટકાનો વધારો થયો છે, પરંતુ આ રકમ હજુ પણ આઈપીએલ ખેલાડીના પગાર કરતા ઓછી છે.

આ પણ વાંચો :- દોઢ દાયકા કરતા વધુ સમય પછી આ સરકારી કંપની ખોટથી ઉભરી, નફાનો આંક જોઈ ચોંકી જશો