યુક્રેનના ચેર્નોબિલ ન્યુક્લિયર પાવર પ્લાન્ટ પર રશિયાનો મોટો ડ્રોન હુમલો, રેડિએશન શેલ્ટરને નુકસાન
- રશિયાએ યુક્રેનના ચેર્નોબિલ ન્યુક્લિયર પાવર પ્લાન્ટ પર ડ્રોનથી હુમલો કર્યો છે, જેમાં પરમાણુ પાવર પ્લાન્ટના સંવેદનશીલ ભાગને મોટું નુકસાન થયું છે
HD ન્યુઝ ડેસ્કઃ રશિયાએ યુક્રેનના ચેર્નોબિલ ન્યુક્લિયર પાવર પ્લાન્ટ પર ડ્રોનથી હુમલો કર્યો છે, જેમાં પરમાણુ પાવર પ્લાન્ટના સંવેદનશીલ ભાગને મોટું નુકસાન થયું છે. યુક્રેનના રાષ્ટ્રપતિ વોલોદિમીર ઝેલેન્સકીએ આ માહિતી આપી છે. ચેર્નોબિલ વિશ્વની સૌથી મોટી નાગરિક પરમાણુ દુર્ઘટના માટે જાણીતું છે. 1986માં તેના ચાર રિએક્ટરોમાંથી એકમાં વિસ્ફોટ થયો હતો. તે રિએક્ટર અત્યાર સુધી પ્રોટેક્ટિવ શેલ્ટરથી ઘેરી લેવામાં આવ્યું હતું, જેથી વિકિરણને રોકી શકાય. ઝેલેન્સકીએ દાવો કર્યો છે કે રશિયન ડ્રોન હુમલામાં રિએક્ટરના રેડિયેશન શેલ્ટરને નોંધપાત્ર નુકસાન થયું છે.
ઝેલેન્સકીએ કહ્યું કે એક રશિયન ડ્રોને પરમાણુ પાવર પ્લાન્ટમાં નાશ પામેલા પાવર યુનિટના આશ્રયસ્થાન પર હુમલો કર્યો, જેના કારણે આગ લાગી હતી. બાદમાં આગ ઓલવાઈ ગઈ છે. અત્યાર સુધી રેડિયેશનનું સ્તર વધ્યું નથી અને તેનું સતત નિરીક્ષણ કરવામાં આવી રહ્યું છે. ઝેલેન્સકીએ કહ્યું કે શરૂઆતના મૂલ્યાંકનના આધારે, મોટા નુકસાનની વાત કરવામાં આવી છે.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
This shelter was built by Ukraine together with other countries of Europe and the world,… pic.twitter.com/mLTGeDYgPT
— Volodymyr Zelenskyy / Володимир Зеленський (@ZelenskyyUa) February 14, 2025
પરમાણુ ઉર્જા એજન્સીએ પણ પુષ્ટિ કરી
ઝેલેન્સકીએ એક નિવેદનમાં જણાવ્યું હતું કે ડ્રોને રિએક્ટર 4 ના પ્રોટેક્ટિવ શેલ્ટર પર હુમલો કર્યો હતો. ઈન્ટરનેશનલ એટોમિક એનર્જી એજન્સી (IAEA) એ આ ઘટનાની પુષ્ટિ કરી છે અને રિએક્ટરના કિરણોત્સર્ગી અવશેષો ધરાવતા ન્યૂ સેફ કન્ફાઈનમેન્ટ નજીક વિસ્ફોટની જાણ કરી છે.
IAEA એ સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે 13-14 ફેબ્રુઆરીની રાત્રે લગભગ 1.50 વાગ્યે, ચેર્નોબિલ સાઈટ પર IAEA ટીમે ન્યૂ સેફ કન્ફાઈનમેન્ટમાંથી વિસ્ફોટનો અવાજ સાંભળ્યો, જે પૂર્વ ચેર્નોબિલ એનપીપીના રિએક્ટર 4 ના અવશેષોનું રક્ષણ કરે છે. તેમને જાણ કરવામાં આવી હતી કે એક UAV એ NSC ની છત પર હુમલો કર્યો છે.
