તમિલ સુપરસ્ટાર કમલ હાસન રાજ્યસભામાં જાય તેવી શક્યતા, આ પાર્ટીના સપોર્ટથી બની શકે છે ઉમેદવાર

13 ફેબ્રુઆરી 2025: તમિલ સુપરસ્ટારમાંથી રાજનેતા બનેલા કમલ હાસનને ડીએમકેના સમર્થનથી તમિલનાડૂથી રાજ્યસભા સીટ માટે નોમિનેટ કરી શકે છે. રાજ્યસભા ચૂંટણી જૂલાઈ 2025માં પ્રસ્તાવિત છે. ડીએમકે નેતા અને તમિલનાડૂના મંત્રી પીકે શેખર બાબૂએ બુધવારે હાસન સાથે તેમના નિવાસ સ્થાને મુલાકાત કરી હતી. જે બાદ અટકળોને હવા મળી છે.

મક્કલ નિધિ મૈયમએ તેને મંત્રી દ્વારા શિષ્ટાચાર મુલાકાત ગણાવી હતી. જ્યારે પાર્ટી સૂત્રોએ કહ્યું કે. સંક્ષિપ્ત ચર્ચા ફક્ત વ્યાપક રાજકીય પરિદ્રશ્ય સિવાય બીજું કંઈ નથી.

પીટીઆઈના સૂત્રોના જણાવ્યા અનુસાર, એમએનએમ માટે રાજ્યસભા સીટ વિશે કંઈ પણ નવું નહોતું અને 2024ની લોકસભા ચૂંટણી પહેલા ગઠબંધન કરતી વખતે ડીએમકે નેતૃત્વે પાર્ટીને 2005માં સંસદના ઉપરી સદનની સીટ આપવાનું વચન આપ્યું હતું.

આ દરમ્યાન ડીએમકેના ટોચના નેતા પ્રેમલતા વિજયકાંતે યાદ અપાવ્યું કે તેમની પાર્ટીને તેમના સહયોગી એઆઈએડીએમકેએ પહેલા જ રાજ્યસભાની એક સીટ આપવાનું વચન આપ્યું છે.

તેમણે કહ્યું કે, 2025માં ડીએમડીકેને રાજ્યસભાની સીટ ફાળવવામાં આવશે અને યોગ્ય સમય પર ઉમેદવારની ઘોષણા પણ કરવામાં આવશે.એટલા માટે આ મામલા પર એઆઈએડીએમકે સાથે કોઈ પણ નવી વાતચીતનો સવાલ જ નથી.

આ પણ વાંચો: EPFO મેમ્બર્સ માટે ખુશખબર આવી: PFના વ્યાજદરોમાં થઈ શકે છે વધારો, થશે મોટી બચત