મહાકુંભ 2025 : કિન્નર અખાડાના મહામંડલેશ્વર ઉપર જીવલેણ હુમલો

પ્રયાગરાજ, 14 ફેબ્રુઆરી : ઉત્તર પ્રદેશના પ્રયાગરાજમાં આયોજિત મહાકુંભ દરમિયાન કિન્નર અખાડાના મહામંડલેશ્વર કલ્યાણીનંદ ગિરી ઉર્ફે છોટી મા પર જીવલેણ હુમલો થયો હતો. હુમલામાં કલ્યાણી ગંભીર રીતે ઘાયલ થયા છે. હુમલાખોરોએ નંદ ગિરી ઉપરાંત તેના ત્રણ શિષ્યો પર પણ હુમલો કર્યો હતો. ઘટનાની માહિતી મળતા જ પોલીસે ઘટના સ્થળે પહોંચી તપાસ શરૂ કરી હતી  તેમજ કલ્યાણી અને તેના શિષ્યોને મહાકુંભની સેન્ટ્રલ હોસ્પિટલમાં સારવાર માટે દાખલ કરવામાં આવ્યા છે.

પોલીસ પાસેથી પ્રાપ્ત માહિતી અનુસાર, મહામંડલેશ્વર કલ્યાણીનંદ ગીરી પર ગુરુવારે મોડી રાત્રે 13 ફેબ્રુઆરીએ જ્યારે તે સેક્ટર 16 સ્થિત કિન્નર અખાડામાંથી બહાર નીકળીને પોતાની ફોર્ચ્યુનર કારમાં સાદિયાપુર ઘરે જઈ રહી હતી ત્યારે તેમના પર હુમલો કરવામાં આવ્યો હતો. પોલીસે જણાવ્યું કે, કલ્યાણીનંદ ગિરી અખાડામાંથી બહાર નીકળીને સંગમ લોઅર રોડ પર થોડે દૂર ચાલ્યા ત્યારે કેટલાક લોકોએ આશીર્વાદ લેવાના બહાને તેમની કાર રોકી હતી.

આશીર્વાદ લેવાના નામે હથિયાર વડે માર માર્યો

પોલીસે જણાવ્યું કે જ્યારે કલ્યાણીનંદ લોકોને આશીર્વાદ આપવા કારમાંથી નીચે ઉતર્યા ત્યારે રસ્તામાં ઉભેલા લોકોએ તેમના પર તીક્ષ્ણ હથિયારોથી હુમલો કર્યો હતો. આ દરમિયાન તેમને બચાવવા આવેલા તેમના ત્રણ શિષ્યો પર પણ હુમલાખોરોએ હુમલો કર્યો હતો. આ સ્થિતિમાં કલ્યાણીનંદ સહિત ચાર લોકો ઘાયલ થયા છે. તમામને સારવાર માટે સેન્ટ્રલ હોસ્પિટલમાં દાખલ કરવામાં આવ્યા છે. હુમલાની માહિતી મળતા જ ગિરીના અનેક શિષ્યો અને સંતો ઘટનાસ્થળે પહોંચી ગયા હતા.

અગાઉ હિમાંગી સાળી પર હુમલો થયો હતો

થોડા દિવસ પહેલા આ જ અખાડાના મહામંડલેશ્વર હિમાંગી સાળી પર હુમલો થયો હતો. હિમાંગી સાખી પર આ હુમલો ત્યારે થયો જ્યારે તે સેક્ટર 8 સ્થિત તેના કેમ્પમાં હતી. હિમાંગી સાખીએ આચાર્ય મહામંડલેશ્વર લક્ષ્મી નારાયણ ત્રિપાઠી પર હુમલો કરવાનો આરોપ લગાવ્યો હતો. તેમણે કહ્યું કે, મમતા કુલકર્ણીએ મહામંડલેશ્વર બનાવવા અંગે ઉઠાવેલા પ્રશ્નોના કારણે તેમના પર હુમલો કરવામાં આવ્યો હતો. જો કે લક્ષ્મી નારાયણ ત્રિપાઠીએ આ આરોપોને સંપૂર્ણપણે નકારી કાઢ્યા હતા.

આ પણ વાંચો :- ભારત-અમેરિકાનો વેપાર 5 વર્ષમાં બમણો થશે, ટ્રમ્પ અને મોદી વચ્ચે બેઠક બાદ કરાર થયા