સૂરતમાં આલિશાન ગાડીઓના કાફલા સાથે સ્ટંટ કરનારા વિદ્યાર્થીઓ ફસાયા, પોલીસે 12 ગાડીઓ જપ્ત કરી લીધી

સૂરત, 11 ફેબ્રુઆરી 2025: સૂરતની એક પ્રખ્યાત સ્કૂલમાં ભણતા ધોરણ 12ના 35 વિદ્યાર્થીઓના ગ્રુપે સ્કૂલમાં યોજાનારી ફેરવેલ પાર્ટીમાં જવાના ઉત્સાહમાં આપીને લક્ઝૂરી કારનો મોટો કાફલો લઈને નીકળ્યા હતા. આ દરમ્યાન વિદ્યાર્થીઓએ કથિત રીતે રોડ પર તાંડવ મચાવ્યો અને ટ્રાફિકના નિયમોના ધજાગરા ઉડાવ્યા હતા. આ કિસ્સો ધ્યાનમાં આપતા પોલીસે હવે 12 કારોને જપ્ત કરી લીધી છે.

બોલીવુડ ફિલ્મ એનિમલના ગીત પર સેટ કરેલા કાફલાનો એક વીડિયો વાયરલ થયા બાદ પોલીસે સોમવારે કાર્યવાહી શરુ કરી. પોલીસે છાત્રો અને તેમના વાલીઓ વિરુદ્ધ ટ્રાફિક નિયમોનું ઉલ્લંઘન કરવા બાદ કાર્યવાહી કરતા 26માંથી 12 કાર સીઝ કરી લીધી છે.

સ્કૂલમાં પોતાના અંતિમ દિવસને યાદગાર બનાવવા માટે બ્લેઝર અને કોટ સૂટ પહેરીને આવેલા વિદ્યાર્થીઓ મોંઘી ગાડીઓ લઈને સાથે ડ્રોન અને કેમેરાનો ઉપયોગ કરી વીડિયો બનાવ્યો હતો. વાયરલ વીડિયોએ લોકોમાં ગુસ્સો જગાવ્યો. સાથે જ ખતરનાક સ્ટંટ કરનારા આ સ્કૂલના વિદ્યાર્થીઓ વિરુદ્ધ પોલીસ કાર્યવાહી નથી કરતી તેવા સવાલો પણ ઊભા થયા હતા.

આ ઘટના બાદ ડીસીપી ઝોન 5ના રાકેશ બારોટએ કહ્યું કે, પોલીસે વાયરલ રીલથી 26 કારની ઓળખાણ કરી લીધી છે. તેમાંથી 12 કાર વિદ્યાર્થીઓના ઘરેથી સીઝ કરી છે, 9 કાર શહેરની બહાર હતી, તેને ટૂંક સમયમાં સીઝ કરી દેવામાં આવશે અને પારિવાર કાર્યક્રમ માટે ઉપયોગમાં લેવાતી પાંચ કારને રાતના સમયે જપ્ત કરવાની આશા છે. બારોટે કહ્યું કે તમામ કાર અટકાયતમાં લીધા બાદ અમે ડ્રાઈવર, લાઈસન્સ અને માલિકોની ડિટેલની પુષ્ટિ કરીશં અને આગળની કાર્યવાહી કરતા પહેલા ઉલ્લંઘનની મર્યાદાની તપાસ કરીશું.

આ પણ વાંચો: નડિયાદ: મંજીપુરા વિસ્તારમાં દેશી દારૂ પીધા પછી 3 લોકોના શંકાસ્પદ મૃત્યુ