સોના ચાંદીના ભાવમાં વધારો યથાવત: જાણો આજનો લેટેસ્ટ ભાવ
નવી દિલ્હી, 7 ફેબ્રુઆરી: 2025: અઠવાડિયાના છેલ્લા કારોબારી દિવસે (૭ ફેબ્રુઆરી) સોના અને ચાંદીના ભાવમાં ફરી એકવાર વધારો જોવા મળ્યો છે. સોનું ૮૫૦૦૦ ની સપાટીને સ્પર્શવા માટે તૈયાર છે, ત્યારે ચાંદી પણ ૯૫૭૦૦ ની ઉપર કારોબાર કરી રહી છે.મલ્ટી કોમોડિટી એક્સચેન્જ (MCX) પર સોનાનો ભાવ 0.27 ટકા વધીને 84,676 રૂપિયા પ્રતિ 10 ગ્રામ થયો છે જ્યારે ચાંદી 0.17 ટકા વધીને 95,746 રૂપિયા પ્રતિ કિલોગ્રામ થઈ ગઈ છે.
આજે આંતરરાષ્ટ્રીય બજારમાં સોના અને ચાંદીના ભાવમાં વધારો જોવા મળી રહ્યો છે. કોમેક્સ પર સોનું $2,880.20 પ્રતિ ઔંસ પર ખુલ્યું. અગાઉનો બંધ ભાવ $2,876.70 પ્રતિ ઔંસ હતો. સમાચાર લખતી વખતે, તે $12.50 વધીને $2,889.20 પ્રતિ ઔંસ પર ટ્રેડ થઈ રહ્યો હતો. કોમેક્સ પર ચાંદીના વાયદા $32.65 પર ખુલ્યા, અગાઉનો બંધ ભાવ $32.62 હતો. સમાચાર લખતી વખતે, તે $0.21 ના વધારા સાથે $32.81 પ્રતિ ઔંસ પર ટ્રેડ થઈ રહ્યો હતો.
IBJA મુજબ 24 કેરેટ સોનાનો ભાવ
ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, ગુરુવારે (6 ફેબ્રુઆરી) 24 કેરેટ સોનાના 10 ગ્રામનો ભાવ 15 રૂપિયા વધીને 84,672 રૂપિયા થયો. ૧ કિલો ચાંદીનો ભાવ ૧૩૩ રૂપિયા ઘટીને ૯૫,૨૯૨ રૂપિયા પ્રતિ કિલો થયો.
આ પણ વાંચો..મધ્યમવર્ગને વધુ એક રાહત, RBI એ રેપો રેટમાં કર્યો ઘટાડો, 5 વર્ષ બાદ લોનના વ્યાજદર ઘટશે
