VIDEO: કેમ ધ્રુસકેને ધ્રુસકે રડી પડ્યા સપા સાંસદ અવધેશ પ્રસાદ? જાણો કારણ
ઉત્તરપ્રદેશ, 2 ફેબ્રુઆરી 2025 : ફૈઝાબાદથી સમાજવાદી પાર્ટીના સાંસદ અવધેશ પ્રસાદે આજે એક પ્રેસ કોન્ફરન્સ યોજી હતી અને તેઓ પ્રેસ કોન્ફરન્સમાં જ રડવા લાગ્યા હતા. ગઈકાલે, અવધેશ પ્રસાદે અયોધ્યામાં છોકરીની ક્રૂર હત્યાના સંદર્ભમાં દલિત છોકરીના પરિવારના સભ્યોને મળ્યા હતા અને તેમને ન્યાય મળવાની ખાતરી આપી હતી. ઉલ્લેખનીય છે કે શુક્રવાર સાંજથી ગુમ થયેલી એક છોકરીનો મૃતદેહ અયોધ્યામાં નગ્ન અવસ્થામાં મળી આવ્યો હતો. મૃતદેહ પાસે છોકરીના લોહીથી લથપથ કપડાં પણ મળી આવ્યા હતા. બળાત્કાર બાદ હત્યાની શંકા છે. માહિતી મળતાં જ પોલીસ ઘટનાસ્થળે પહોંચી ગઈ હતી, મૃતદેહને કબજે લીધો હતો અને તપાસ શરૂ કરી હતી. ઉપરાંત, પોલીસે એક યુવકને કસ્ટડીમાં લીધો છે અને તેની પૂછપરછ કરી રહી છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
સપા સાંસદ અવધેશ પ્રસાદે આ મુદ્દા પર પ્રેસ કોન્ફરન્સ યોજી હતી અને દલિત છોકરીની હત્યા પર મીડિયાને સંબોધન કરતી વખતે રડી પડ્યા હતા. અવધેશ પ્રસાદે કહ્યું, જો પીડિતાને ન્યાય નહીં મળે તો હું લોકસભામાંથી રાજીનામું આપી દઈશ. ભીડભાડવાળી પ્રેસ કોન્ફરન્સમાં સાંસદને અચાનક આ રીતે રડતા જોઈને લોકો ચોંકી ગયા. પ્રેસમાં બેઠેલા પૂર્વ મંત્રી તેજ નારાયણ પાંડે પવન અને સપા જિલ્લા પ્રમુખ પારસનાથ યાદવે તેમને સાંત્વના આપી અને વારંવાર શાંત પાડવાનો પ્રયાસ કર્યો.
આ પણ વાંચો : Hyundai Cretaએ નવો રેકોર્ડ બનાવ્યો, એક જ મહિનામાં અધધધ આટલું વેચાણ થયું
