અમદાવાદથી પ્રયાગરાજ કરતાં અમદાવાદથી લંડન જવાની વિમાનની ટિકિટ સસ્તી
- લંડન પહોંચાડતી ફ્લાઇટનું એરફેર રૂપિયા 30,623
- પ્રયાગરાજ પહોંચાડતી ફ્લાઇટનું ભાડું 34,340 રૂપિયા
- અયોધ્યાનું વન-વે એરફેર પણ હાલ વધીને 34 હજાર
અમદાવાદથી પ્રયાગરાજ કરતાં અમદાવાદથી લંડન જવાનું એરફેર ઓછું છે. મહાકુંભને પગલે અમદાવાદથી પ્રયાગરાજનું એરફેર વધી રહ્યું છે. હાલ સ્થિતિ એવી છે કે, અમદાવાદથી પ્રયાગરાજ કરતાં અમદાવાદથી લંડન જવાનું ભાડુ ઓછું છે.
લંડન પહોંચાડતી ફ્લાઇટનું એરફેર રૂપિયા 30,623
ફેબ્રુઆરી માસના બીજા સપ્તાહમાં અમદાવાદથી 9 કલાક 40 મિનિટનો સમય લઈને લંડન પહોંચાડતી ફ્લાઇટનું એરફેર રૂપિયા 30,623 છે. જેની સરખામણીએ આ જ સમયગાળામાં અમદાવાદથી 1.50 કલાકનો સમય લઈને પ્રયાગરાજ પહોંચાડતી ફ્લાઇટનું ભાડું 34,340 રૂપિયા છે. આ ઉપરાંત અમદાવાદ-દુબઈનું વન-વે એરફેર અમદાવાદ-દુબઈ કરતાં 3 ગણું ઓછું છે.
અમદાવાદ-દુબઈનું ઓછામાં ઓછું વન-વે એરફેર 12500 રૂપિયા
અમદાવાદથી અયોધ્યાનું વન-વે એરફેર પણ હાલ વધીને 34 હજાર રૂપિયા થઈ ગયું છે. સામાન્ય દિવસોમાં આ એરફેર 7 હજાર રૂપિયાની આસપાસ હોય છે. આ સિવાય અમદાવાદ-વારાણસીનું વન-વે એરફેર સામાન્ય દિવસો કરતાં 3 ગણું વધીને 26 હજાર રૂપિયા થઈ ગયું છે.
આ પણ વાંચો: અમરેલી લેટરકાંડમાં સ્ટેટ મોનિટરીંગ સેલના વડા નિર્લિપ્તરાયની તપાસ પૂર્ણ થઈ
