વેલેન્ટાઈન ડે પર આ રોમેન્ટિક જગ્યાઓ પર ફરવા જવાનો બનાવો પ્લાન
- જો તમે પણ તમારા પાર્ટનર સાથે સુંદર ક્ષણો વિતાવવા માંગતા હોવ તો વેલેન્ટાઈન ડે પર તમે કોઈ રોમેન્ટિક સ્થળની મુલાકાત લેવાનું પ્લાન કરી શકો છો
HD ન્યુઝ ડેસ્કઃ થોડા દિવસોમાં ફેબ્રુઆરી મહિનો શરૂ થવા જઈ રહ્યો છે. યુગલો આ મહિનાની આતુરતાથી રાહ જોતા હોય છે, કારણ કે વેલેન્ટાઈન વીક 7મી ફેબ્રુઆરીથી શરૂ થાય છે અને 14મી ફેબ્રુઆરી સુધી ચાલે છે. દરેક વ્યક્તિ 14મી ફેબ્રુઆરીના રોજ વેલેન્ટાઈન ડે ઉજવે છે. મોટાભાગના કપલ આ વીકને એકબીજા માટે ખાસ બનાવવાનો પૂરો પ્રયાસ કરે છે. આવી સ્થિતિમાં જો તમે પણ તમારા પાર્ટનર સાથે સુંદર ક્ષણો વિતાવવા માંગતા હોવ તો તમે કોઈ રોમેન્ટિક સ્થળની મુલાકાત લેવાનું પ્લાન કરી શકો છો. જો તમે તમારા પાર્ટનર સાથે કોઈ ખાસ દિવસને યાદગાર બનાવવા માંગો છો, તો જાણો ક્યાં જવું?
ઉદયપુર
તળાવોનું શહેર ઉદયપુર જીવનસાથી સાથે મુલાકાત લેવા માટે શ્રેષ્ઠ સ્થળોમાંનું એક છે. સુંદર તળાવો, શાહી કિલ્લાઓ અને મનોહર સૂર્યાસ્ત તેને એક ઉત્તમ રોમેન્ટિક સ્થળ બનાવે છે. તમે સુંદર લેક પિચોલામાં બોટ રાઈડ અને ઐતિહાસિક હોટલોમાંની એકમાં કેન્ડલ લાઈટ ડિનર સાથે તમારા પાર્ટનરને રોમેન્ટિક સાંજ આપી શકો છો.
જયપુર
જો તમે અને તમારા પાર્ટનરને ઈતિહાસ જાણવામાં રસ હોય અથવા શાહી સજાવટ જોવાનું પસંદ હોય તો જયપુર તમારા માટે સારું સ્થળ છે. પિંક સિટી તરીકે ઓળખાતા જયપુરમાં અદભૂત કિલ્લાઓ, બજારો અને વૈભવી હોટેલ્સ છે. આમેર ફોર્ટની મુલાકાત લેવાની સાથે, તમે જયપુરમાં હેરિટેજ હવેલીમાં રાત્રિ રોકાણ પણ પસંદ કરી શકો છો.
આગ્રા
તમે તમારા પ્રેમની ઉજવણી કરવા તાજનગરી આગ્રા પણ જઈ શકો છો. આગ્રા વેલેન્ટાઇન ડેની રજાઓ માટે શ્રેષ્ઠ સ્થળોમાંનું એક છે. તેમાં મુઘલોનો ઈતિહાસ અને ભારતની સુંદરતાના દર્શન થશે. તાજના મેદાનમાં આરામ કરો અને આસપાસની જગ્યાઓ એક્સપ્લોર કરો.
કેરળ
જો તમે તમારા પાર્ટનર સાથે શાંત જગ્યાએ જવા માંગતા હોવ તો કેરળ જાવ. અહીં અલેપ્પી, મુન્નાર ટી ગાર્ડનનું હિલ સ્ટેશન અને કોવલમનો બીચ, પ્રકૃતિ અને બેકવોટરની સુંદરતા પણ જોવાલાયક છે. અહીં હાઉસબોટ ભાડે લો અને બેકવોટર્સમાં રાત વિતાવો. વેલેન્ટાઈન ડે પર તમારા પાર્ટનર સાથે શાંતિપૂર્ણ પળો વિતાવવા માટે આ જગ્યા ખૂબ જ સુંદર છે.
દાર્જિલિંગ
દાર્જિલિંગ એક શાંત હિલ સ્ટેશન છે. જે હિમાલયની પર્વતમાળાઓ, ચાના બગીચાઓ અને પ્રવાસન માટે યોગ્ય હવામાન માટે જાણીતું છે. આ જગ્યા કપલ્સ માટે ખૂબ જ સારી છે. યુગલો અહીં ટોય ટ્રેનમાં સવારી કરી શકે છે, વિશ્વની શ્રેષ્ઠ દાર્જિલિંગ ચાનો સ્વાદ માણી શકો છો અને ટાઇગર હિલ પર સુંદર સૂર્યોદય જોઈ શકો છો. પ્રકૃતિની સુંદરતા વચ્ચે તમારા પ્રેમ સાથે સમય પસાર કરવો શ્રેષ્ઠ છે.
મહાબળેશ્વર
ફેબ્રુઆરીમાં ફરવા માટે મહાબળેશ્વર શ્રેષ્ઠ સ્થળોમાંનું એક છે. આ સ્થળ પહાડોથી ઘેરાયેલું છે, જેમાં લીલીછમ પ્રકૃતિ અને ખુશનુમા હવામાન છે. ધોધ અને તળાવોથી શણગારેલી તેની ભવ્ય ખીણો જોવાલાયક છે. લોકો વીકએન્ડમાં મુંબઈ નજીકના આ સ્થળની મુલાકાત લેવાનું પસંદ કરે છે.
ગોવા
ગોવા ફેબ્રુઆરીમાં ભારતમાં ફરવા માટેના શ્રેષ્ઠ સ્થળોમાંનું એક છે. આ સ્થળ તેના સૂર્યપ્રકાશવાળા દરિયાકિનારા અને સાંસ્કૃતિક વાનગીઓ સાથેના મોહક વાતાવરણ માટે પ્રખ્યાત છે. અહીં ફરવા માટે ઘણી બધી જગ્યાઓ છે. તમે તમારા પાર્ટનર સાથે ગોવાના બીચ પર આરામની પળો વિતાવી શકો છો.
આ પણ વાંચોઃ 5 વર્ષ બાદ ફરી એકવાર શરૂ થશે કૈલાશ માનસરોવર યાત્રા, હવાઈ સેવાઓ પણ મળશે
