અમદાવાદમાં NSD દ્વારા ભારત રંગ મહોત્સવ 2025નું આયોજન
HD ન્યુઝ ડેસ્કઃ નેશનલ સ્કૂલ ઓફ ડ્રામા (NSD) તેના ફ્લેગશિપ ભારત રંગ મહોત્સવ (BRM), ઇન્ટરનેશનલ થિયેટર ફેસ્ટિવલ ઓફ ઈન્ડિયાનું આયોજન કરી રહી છે. 2024માં તેણે સફળતાનાં 25 વર્ષ પૂર્ણ કર્યાં છે. પ્રેમથી ‘ભારંગમ’ તરીકે ઓળખાતા બીઆરએમ વિશ્વનો સૌથી મોટો થિયેટર ફેસ્ટિવલ છે અને તે 11 ફેબ્રુઆરીથી 15 ફેબ્રુઆરી, 2025 દરમિયાન અમદાવાદમાં યોજાશે. ‘One Expression, Supreme Creation’ (એક અભિવ્યક્તિ, સર્વોચ્ચ સર્જન) ભારત રંગ મહોત્સવ 2025નું આ સૂત્ર સર્જનાત્મક અભિવ્યક્તિમાં એકતાની ભાવના દર્શાવે છે. જાણીતા અભિનેતા અને એનએસડીના પૂર્વ વિદ્યાર્થી રાજપાલ યાદવને આ વર્ષ માટે રંગ દૂત (ફેસ્ટિવલ એમ્બેસેડર) બનાવવામાં આવ્યા છે.
ગુજરાત યુનિવર્સિટીની ઉપાસના સ્કૂલ ઓફ પરફોર્મિંગ આર્ટ્સના સહયોગથી અમદાવાદમાં 11 ફેબ્રુઆરી, 2025ના રોજ સાંજે 6:00 વાગ્યે ઉપાસના સ્કૂલ ઓફ પરફોર્મિંગ આર્ટ્સ ખાતે ઉદઘાટન સમારોહ સાથે મહોત્સવનો પ્રારંભ થશે, જેની શરૂઆતમાં ‘મારે ગયે ગુલફામ’ નાટક દર્શાવવામાં આવશે.
- મંગળવાર, 11 ફેબ્રુઆરી, 2025 (ઉદઘાટન સમારોહ)
કાર્યક્રમ: મારે ગયે ગુલફામ (નાટક) સમય: સાંજે 6.00 વાગ્યે
લેખક: ફણીશવર નાથ રેણુ નાટ્યકાર.
ડાયરેક્ટરઃ રઘુબીર યાદવ ગ્રુપ: રાયરા આર્ટ, મુંબઈ
ભાષા: હિન્દી; સમયગાળો: 120 મિનિટ
- બુધવાર, 12 ફેબ્રુઆરી, 2025
કાર્યક્રમ: અગ્નિ જોલ
સમય: સાંજે 6:30 વાગ્યે
લેખક: ગિરીશ કર્નાડ
અનુવાદ: બિભાસ ચક્રવર્તી ડાયરેક્ટરઃ મનોજ કુમાર સાહા (અબીર)
ગ્રુપ: નયાબાદ તિતાસ, કોલકાતા
ભાષા: બંગાળી; સમયગાળો: 130 મિનિટ
- ગુરૂવાર, 13 ફેબ્રુઆરી, 2025
કાર્યક્રમ: ગોકુલ નિર્ગમના
સમય: સાંજે 6:30 વાગ્યે
લેખક: પી.ટી. નરસિમ્હાચરના ડાયરેક્ટરઃ કે. રામકૃષ્ણૈયા
ગ્રુપ: ડિપાર્ટમેન્ટ ઓફ પરફોર્મિંગ આર્ટ્સ,
બેંગ્લોર યુનિવર્સિટી, બેંગલુરુ ભાષા: કન્નડ
- શુક્રવાર,14 ફેબ્રુઆરી, 2025
કાર્યક્રમ: વિથાબાઈ
સમય: સાંજે 6:30 વાગ્યે
લેખક: સંજય જીવન
ડાયરેક્ટરઃ મંગેશ બંસોડ
ગ્રુપ: થિયેટર આર્ટ્સ એકેડમી, મુંબઈ યુનિવર્સિટી
ભાષા: મરાઠી; સમયગાળો: 130 મિનિટ
- શનિવાર,15 ફેબ્રુઆરી, 2025 (સમાપન સમારંભ)
કાર્યક્રમ: સૈરંધ્રી
સમય: સાંજે 6.00 વાગ્યે
લેખક: વિનોદ જોશી ડાયરેક્ટરઃ અદિતિ દેસાઈ
ગ્રુપ: જશવંત ઠાકર મેમોરિયલ ફાઉન્ડેશન, અમદાવાદ
ભાષા: ગુજરાતી; સમયગાળો: 105 મિનિટ
આ પ્રસંગે નેશનલ સ્કૂલ ઓફ ડ્રામાના ડિરેક્ટર ચિત્તરંજન ત્રિપાઠીએ જણાવ્યું હતું કે, “ભારત રંગ મહોત્સવ તેના વિસ્તૃત અભિગમ સાથે વૈશ્વિક મંચ પર એક ઉત્કૃષ્ટ થિયેટર ફેસ્ટિવલ બની ગયો છે. તેણે માત્ર વિશ્વભરના થિયેટર પર્ફોમન્સ માટેના મંચ તરીકે જ કામ કર્યું નથી, પરંતુ વિવિધ પરંપરાગત પર્ફોર્મિંગ આર્ટ ફોર્મ્સના જોડાણ માટે પણ તકો પૂરી પાડી છે. તદુપરાંત, તેણે નાટ્યાત્મક કળાઓ અને અન્ય સર્જનાત્મક ક્ષેત્રોની વ્યક્તિઓ વચ્ચે જ્ઞાન-વહેંચણી અને વિચાર-વિનિમયની સુવિધા આપી છે.”
રાજપાલ યાદવે પોતાના વિચારો જણાવતા કહ્યું હતું કે, “1997માં વિદ્યાર્થી તરીકે સ્નાતક થયા પછી, ભારંગમ 2025 માટે રંગદૂત તરીકે એનએસડીમાં પાછા ફરવું, એવું લાગે છે કે જાણે જીવન સંપૂર્ણ વર્તુળમાં આવી ગયું છે. જ્યારે હું સિનેમામાં 25 વર્ષની ઉજવણી કરું છું, ત્યારે હું આ અવિશ્વસનીય મહોત્સવનો ભાગ બનવા માટે ખૂબ જ પ્રભાવિત થયો છું. ઉચ્ચ સ્તરની કલાત્મકતાને જોવી એ ખરેખર પ્રશંસનીય છે. હું દંગ રહી ગયો છું.” તેમણે વધુમાં કહ્યું હતું કે, “થિયેટર અને નાટક દ્વારા લોકોને એક કરવાના મિશન સાથે, હું હવે અને હંમેશાં તમારી સાથે ઉભો છું. વિશ્વની ટોચની થિયેટર સંસ્થાઓમાંની એક એનએસડીએ અસાધારણ પ્રતિભા પેદા કરી છે અને ચિત્તરંજન ત્રિપાઠીના નેતૃત્વ હેઠળ મને કોઈ શંકા નથી કે ટૂંક સમયમાં જ વૈશ્વિક મંચ પર આપણને નેતા તરીકે ઓળખવામાં આવશે.
28 જાન્યુઆરી, 2025થી 16 ફેબ્રુઆરી, 2025 સુધીના 20 દિવસની અવધિ સુધી ચાલનારા બીઆરએમ 2025માં ભારત સિવાય 9 જુદા જુદા દેશોના 200થી વધુ કાર્યક્રમો દર્શાવવામાં આવશે. જે ભારતના 11 સ્થળો અને વિદેશમાં 2 સ્થળો કાઠમંડુ અને કોલંબોમાં પ્રદર્શિત કરવામાં આવશે. આ ફેસ્ટિવલમાં ભાગ લેનારા આંતરરાષ્ટ્રીય થિયેટર જૂથો રશિયા, ઇટાલી, જર્મની, નોર્વે, ચેક રિપબ્લિક, નેપાળ, તાઇવાન, સ્પેન અને શ્રીલંકાના છે. દિલ્હી ફેસ્ટિવલના કેન્દ્રબિંદુ તરીકે અને સાથે-સાથે ભારતીય સેટેલાઇટ સ્થળોમાં અગરતલા, બેંગલુરુ, ભટિંડા, ભોપાલ, ગોવા, ગોરખપુર, જયપુર, ખૈરાગઢ અને અમદાવાદ સહિત રાંચીનો સમાવેશ થાય છે. ત્રિપાઠીએ જણાવ્યું, “એનએસડીના વારસાને આગળ વધારતા, અમે આ વખતે બે આંતરરાષ્ટ્રીય સ્થળોએ ભારત રંગ મહોત્સવ 2025નું આયોજન કરી રહ્યા છીએ. આગામી વર્ષોમાં અમે આ મહોત્સવનો વ્યાપ વધુ વિસ્તૃત કરવા તેને અન્ય ખંડોમાં લઈ જવાનું લક્ષ્ય રાખીએ છીએ.”
આ પણ વાંચોઃ જાન લઈને ભારત આવાનું છે કે દુબઈ? રાખી સાવંતને મોકલ્યું લગ્નનું પ્રપોઝલ; ઈન્ટરનેટ પર માંગ્યો જવાબ
