મૌની અમાસ પર ત્રિવેણી યોગ, આ પાંચ રાશિઓ પર થશે ધનવર્ષા
- મૌની અમાવસ્યાના દિવસે સૂર્ય, ચંદ્ર અને બુધ મકર રાશિમાં ત્રિગ્રહી અને ત્રિવેણી યોગ રચશે. આ વખતની મૌની અમાસ એટલે જ ખાસ છે
HD ન્યુઝ ડેસ્કઃ સનાતન ધર્મમાં મૌની અમાવસ્યાનું વિશેષ મહત્ત્વ માનવામાં આવે છે. મહા મહિનાની અમાવાસ્યાને મૌની અથવા માઘી અમાવસ્યા કહેવામાં આવે છે. પંચાંગ અનુસાર આ વર્ષે મૌની અમાવસ્યા 29 જાન્યુઆરી, બુધવારના રોજ આવી રહી છે. તે એટલા માટે ખાસ છે કેમકે વર્ષો પછી આ દિવસે ત્રિવેણી યોગ રચાઈ રહ્યો છે. જ્યોતિષ શાસ્ત્ર અનુસાર મૌની અમાવસ્યાના દિવસે સૂર્ય, ચંદ્ર અને બુધ મકર રાશિમાં ત્રિગ્રહી અને ત્રિવેણી યોગ રચશે.
આ સમયગાળા દરમિયાન ગુરુ વૃષભ રાશિમાં રહેશે. આવી સ્થિતિમાં આ સંયોગની અસર મહાકુંભ પર પણ પડવાની છે. જ્યોતિષીઓનું કહેવું છે કે મૌની અમાવસ્યા પર બની રહેલા ત્રિગ્રહી અને ત્રિવેણી યોગથી રાશિચક્રના પસંદગીની 5 રાશિઓને લાભ થશે. ચાલો જાણીએ તે 5 ભાગ્યશાળી રાશિઓ વિશે
વૃષભ (બ,વ,ઉ)
વૃષભ રાશિના જાતકો માટે મૌની અમાવસ્યા ખૂબ જ શુભ ફળ આપશે. ત્રિવેણી યોગના શુભ પ્રભાવથી આ લોકોની આર્થિક સ્થિતિમાં સુધારો જોવા મળશે. આ ઉપરાંત જીવનમાં ચાલી રહેલા માનસિક તણાવમાંથી રાહત મળવાની પ્રબળ સંભાવના છે. આ સિવાય વેપારમાં આર્થિક લાભ પણ થઈ શકે છે.
કર્ક (ડ,હ)
મૌની અમાવસ્યા પર બનવા જઈ રહેલો ત્રિવેણી યોગ કર્ક રાશિના લોકોના જીવનમાં મોટો બદલાવ લાવશે. આ લોકો માટે કોઈ નવું કામ શરૂ કરવા માટે આ સમય સારો રહેશે. ધાર્મિક કાર્યોમાં રસ વધશે અને કમાણી પણ વધશે.
કન્યા (પ,ઠ,ણ)
કન્યા રાશિ વાળા લોકોને મૌની અમાવસ્યા પર કામમાં સારું પરિણામ મળશે. આ લોકો માટે લાંબા સમયથી પેન્ડિંગ રહેલા કોઈપણ મહત્ત્વપૂર્ણ કામ પૂર્ણ થશે. ઉપરાંત ધંધામાં અચાનક મોટો નફો તમારી નાણાકીય સ્થિતિને મજબૂત બનાવશે. નોકરીમાં પ્રમોશન અને ઈન્ક્રીમેન્ટનો લાભ મળવાની સંભાવના રહેશે.
તુલા (ર,ત)
તુલા રાશિના લોકો માટે ત્રિવેણી યોગની ખૂબ જ શુભ અસરો જોવા મળશે. આ લોકોને કાર્યસ્થળ પર સહકર્મીઓનો પૂરો સહયોગ મળશે. આ ઉપરાંત પરિવારમાં પણ ખુશીનું વાતાવરણ રહેશે. આ લોકોને વેપારમાં આર્થિક લાભ થશે. તમે તમારા જીવનસાથી સાથે પણ સારો સમય પસાર કરી શકશો
મકર (ખ,જ)
મૌની અમાવસ્યા પર મકર રાશિના પરિણીત લોકો માટે કેટલાક સારા સમાચાર આવી શકે છે. આ લોકોની આર્થિક સ્થિતિમાં સુધારો થશે. કાર્યસ્થળ પર સહકર્મીઓ સાથે કામ કરવાથી કોઈ મોટા પ્રોજેક્ટને સફળ બનાવવામાં મદદ મળશે. જમીન સંબંધિત કામમાં સારો આર્થિક લાભ થશે.
આ પણ વાંચોઃ મહાકુંભ ત્રિવેણી સંગમમાં સ્નાન પહેલા કયા દેવતાની પૂજા કરાય છે?
