પીએમ મોદીની સાદગીએ લોકોનું દિલ જીતી લીધું, કર્તવ્ય પથ પર કચરો જોઈ તરત ઉઠાવી લીધો, મોટો મેસેજ આપ્યો
નવી દિલ્હી, 27 જાન્યુઆરી 2025: પ્રધાનમંત્રી નરેન્દ્ર મોદીએ રવિવારે ભારતના 76માં પ્રજાસત્તાક દિવસ પર આયોજીત કાર્યક્રમ દરમ્યાન કર્તવ્ય પથ પર કચરો ઉઠાવીને સ્વચ્છ ભારત પ્રત્યે પોતાની કટિબદ્ધતા દર્શાવતા એક સશક્ત ઉદાહરણ રજૂ કર્યું છે.
ઈન્ટરનેટ મીડિયા પર પણ આ વીડિયો ખૂબ જ પ્રસારિત કરવામા આવી રહ્યો છે અને લોકો પીએમ મોદીના કામના વખાણ કરી રહ્યા છે. પીએમ મોદીનું આ પગલું જાહેર સ્થળો પર સફાઈ અને સામુદાયિક ભાગીદારીના મહત્વને દર્શાવે છે.
A true leader is defined by his actions.
When PM Modi was going to receive the Vice President, he was seen picking up waste from the ground. pic.twitter.com/QcggCgXKkJ
— Prakash (@Gujju_Er) January 26, 2025
મોટો મેસેજ આપ્યો
બન્યું છે એવું કે, કર્તવ્ય પથ પર મોદી પ્રોટોકોલ અનુસાર, ઉપરાષ્ટ્રપતિ જગદીપ ધનખડનું સ્વાગત કરવા માટે તૈયાર હતા. જ્યારે ધનખડનો કાફલો સ્થળ તરફ આવતો જોઈ પ્રવેશ દ્વારા તરફ આગળ વધ્યા, ત્યારે અચાનક જમીન પર કચરો દેખાયો. તેઓ તરત રોકાયા અને ઝૂકીને કચરો ઉઠાવી લીધો. ત્યાર બાદ કચરાને ટુકડાને એક એક કરીને વીણી લીધા અને સુરક્ષાકર્મીને આપી દીધા.
જોવામાં ભલે આ નાનું એવું કામ લાગતું હોય પણ તેની પાછળ એક મોટો મેસેજ છુપાયેલો છે. મોદીના આ પગલાથી ઈન્ટરનેટ પર લોકોના દિલ જીતી લીધા. આમ તો પીએમ મોદી સમય સમય પર સ્વચ્છ ભારતની ખાતરી કરવા માટે સફાઈ કાર્યમાં સામેલ થવા માટે ભાર આપતા રહે છે.
આ પણ વાંચો: નવો નિયમ: હવે એક દેશ, એક સમય લાગૂ થશે,ઉલ્લંઘન કરવા પર દંડ થશે, સરકાર કરી રહી છે તૈયારી
