શરણાર્થીઓને માલિકી હકો, સીલબંધ દુકાનો ફરીથી ખોલવામાં આવશે; દિલ્હી માટે ભાજપનો ત્રીજો ચૂંટણી ઢંઢેરો
નવી દિલ્હી, 25 જાન્યુઆરી :ભારતીય જનતા પાર્ટીએ દિલ્હી વિધાનસભા ચૂંટણી માટે ચૂંટણી ઢંઢેરાના ત્રીજા ભાગને બહાર પાડ્યો છે. કેન્દ્રીય ગૃહમંત્રી અમિત શાહે સંકલ્પ પત્રના ત્રીજા ભાગને રિલીઝ કરતી વખતે ઘણી મોટી જાહેરાતો કરી છે, જેમાં 6 મહિનાની અંદર 13 હજાર સીલબંધ દુકાનો ફરીથી ખોલવાનો સમાવેશ થાય છે. આ ઉપરાંત, શરણાર્થીઓને માલિકી હક આપવાનું પણ વચન આપવામાં આવ્યું છે.
આ દરમિયાન અમિત શાહે કહ્યું કે અમે ચૂંટણીને ખૂબ જ ગંભીરતાથી લઈએ છીએ. કેજરીવાલ પર નિશાન સાધતા તેમણે કહ્યું કે, મેં મારા જીવનમાં ક્યારેય એવો વ્યક્તિ જોયો નથી જે આટલું સ્પષ્ટ ખોટું બોલી શકે. તે વચનો આપે છે, પૂરા કરતા નથી અને પછી નિર્દોષ ચહેરો બનાવીને જૂઠું બોલે છે. તેમણે શીશમહલને લઈને કેજરીવાલ પર પણ નિશાન સાધ્યું.
મેનિફેસ્ટોના પહેલા બે ભાગોમાં કયા વચનો છે?
ભાજપે ગયા શુક્રવારે દિલ્હી માટે જાહેર કરેલા પોતાના પહેલા ચૂંટણી ઢંઢેરામાં મહિલાઓને માસિક 2,500 રૂપિયા, દરેક ગર્ભવતી મહિલાને 21,000 રૂપિયાની સહાય, 500 રૂપિયામાં LPG (ઘરેલું ગેસ) સિલિન્ડર અને વરિષ્ઠ નાગરિકોને 2,500 રૂપિયા પેન્શન આપવાનું વચન આપ્યું હતું. મેં કરી બતાવ્યું.
આ પછી, ભૂતપૂર્વ કેન્દ્રીય મંત્રી અને ભાજપના વરિષ્ઠ નેતા અનુરાગ ઠાકુરે મંગળવારે જાહેર કરાયેલા પક્ષના બીજા મેનિફેસ્ટોમાં અનેક મહત્વાકાંક્ષી યોજનાઓની જાહેરાત કરી, જેમાં સરકારી સંસ્થાઓમાં કિન્ડરગાર્ટનથી પીજી સ્તર સુધીના જરૂરિયાતમંદ વિદ્યાર્થીઓ માટે મફત શિક્ષણનો સમાવેશ થાય છે.
આ મેનિફેસ્ટોમાં યુનિયન પબ્લિક સર્વિસ કમિશન (UPSC) અને સ્ટેટ સિવિલ સર્વિસીસ (PCS) જેવી સ્પર્ધાત્મક પરીક્ષાઓની તૈયારી કરી રહેલા વિદ્યાર્થીઓને બે પ્રયાસો સુધી 15,000 રૂપિયાની નાણાકીય મદદ આપવાનું પણ વચન આપવામાં આવ્યું છે.
આ પણ વાંચો :અમૂલ દૂધના ભાવમાં ઘટાડો, ગ્રાહકોને રાહત, પ્રતિ લિટર 1 રૂપિયાનો ઘટાડો
ભગવા વસ્ત્ર અને રુદ્રાક્ષ પહેરીને મહાકુંભ પહોંચી મમતા કુલકર્ણી, લીધો સંન્યાસ
હોમ લોન લેતી વખતે રહેજો સાવધાન, બેન્ક આ રીતે કરે છે ચાલાકી
આ યોજનામાં મહિલાઓને મળી રહ્યું છે FD કરતા વધુ વ્યાજ, આ તારીખ સુધી લઈ શકો છો લાભ, જાણો સંપૂર્ણ વિગતો
શું તમે પણ વસિયતનામુ બનાવવાના છો, આના કરતાં પણ વધુ સારો વિકલ્પ છે, આવનારી પેઢી તમારા ગુણગાન ગાશે
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
