T20 મેચમાં ઈંગ્લેન્ડ સામે સૂર્યકુમાર એક નહીં ચાર રેકોર્ડ બનાવવાની તૈયારીમાં, જાણો ક્યાં

ચેન્નઈ, 25 જાન્યુઆરી : સૂર્યકુમાર યાદવ જે ઈંગ્લેન્ડ સામેની પ્રથમ T20માં નિષ્ફળ ગયો હતો તે હવે બીજી T20 (IND vs ENG, T20I)માં તેની બેટિંગ દરમિયાન 4 મહાન રેકોર્ડ બનાવવાની નજીક છે.  શ્રેણીની બીજી T-20 મેચ ચેન્નઈમાં રમાશે. T-20 સીરીઝમાં કેપ્ટન સૂર્યાના નામે એક એવો રેકોર્ડ નોંધાઈ શકે છે જે વિશ્વ ક્રિકેટને ચોંકાવી દેશે.

સૂર્યા પાસે T-20 ઇન્ટરનેશનલમાં વર્લ્ડ રેકોર્ડ બનાવવાની તક હશે. વાસ્તવમાં જો સૂર્યા ઈંગ્લેન્ડ સામેની ટી20 સીરીઝ દરમિયાન સદી ફટકારવામાં સફળ રહે છે તો તે ઈંગ્લેન્ડ સામે ટી20 ઈન્ટરનેશનલમાં બે સદી ફટકારનાર વિશ્વનો એકમાત્ર બેટ્સમેન બની જશે.

સૂર્યાએ T-20 ઈન્ટરનેશનલમાં 4 સદી ફટકારી છે. ભારતીય T20 કેપ્ટન સૂર્યા અત્યાર સુધી T20Iમાં ઈંગ્લેન્ડ સામે એક, દક્ષિણ આફ્રિકા સામે એક, શ્રીલંકા સામે એક અને ન્યુઝીલેન્ડ સામે એક સદી ફટકારવામાં સફળ રહ્યો છે.

T20 આંતરરાષ્ટ્રીય મેચોમાં ઈંગ્લેન્ડ સામે સૌથી વધુ સદી

આ સિવાય સૂર્યા T-20 ઈન્ટરનેશનલમાં 150 સિક્સર પૂરી કરવાથી માત્ર 5 સિક્સ દૂર છે. જો સૂર્યા આમ કરવામાં સફળ થાય છે, તો તે T20Iમાં 150થી વધુ છગ્ગા મારનાર ભારતનો બીજો બેટ્સમેન બની જશે. હાલમાં રોહિત શર્મા T-20 ઈન્ટરનેશનલમાં સૌથી વધુ 205 સિક્સર ફટકારનાર બેટ્સમેન છે. એટલે કે, 150 છગ્ગા પૂરા કરીને, સૂર્યા T-20 ઈન્ટરનેશનલમાં 150થી વધુ છગ્ગા મારનાર ભારતનો બીજો અને વિશ્વ ક્રિકેટનો ચોથો બેટ્સમેન બની જશે.

રોહિતે 159 મેચમાં 205 સિક્સર ફટકારી છે. એ જ રીતે, માર્ટિન ગુપ્ટિલે T20Iમાં 173 છગ્ગા અને મોહમ્મદ વસીમે 158 છગ્ગા ફટકાર્યા છે. ત્યારે સૂર્યા અત્યાર સુધી T20I માં 145 છગ્ગા ફટકારવામાં સફળ રહ્યો છે.

T-20માં 350 સિક્સર ફટકારવાની નજીક

આ સિવાય સૂર્યા ટી-20માં કુલ 350 સિક્સરથી 9 સિક્સ દૂર છે. અત્યાર સુધી સૂર્યાએ 305 મેચની 281 ઇનિંગ્સમાં 341 સિક્સર ફટકારી છે. જો તે વધુ 9 છગ્ગા ફટકારવામાં સફળ થાય છે, તો તે ટી-20માં 350 છગ્ગા મારનાર ભારતનો ત્રીજો બેટ્સમેન બની જશે. અત્યાર સુધી ટી-20માં 350 કે તેથી વધુ સિક્સર ફટકારવાનો રેકોર્ડ રોહિત શર્મા અને વિરાટ કોહલીના નામે છે.

8000 T-20 રન બનાવવાની નજીક

ભારતના T20 કેપ્ટન સૂર્યકુમાર યાદવ T20 ક્રિકેટમાં 8000 રન બનાવવાની નજીક છે. સૂર્યા અત્યાર સુધી T-20માં 305 મેચની 281 ઇનિંગ્સમાં 7875 રન બનાવી ચૂક્યો છે. એટલે કે 125 રન બનાવ્યા બાદ સૂર્યા T-20માં 8000 રન પૂરા કરશે. અત્યાર સુધી વિરાટ કોહલી, રોહિત શર્મા, શિખર ધવન અને સુરેશ રૈનાએ ટી-20માં ભારત માટે 8000 રન બનાવ્યા છે. સૂર્યા આવું કારનામું કરનાર પાંચમો ભારતીય બેટ્સમેન બની શકે છે.

અર્શદીપ સિંહ પણ 100 વિકેટની નજીક

અર્શદીપ સિંહને T20Iમાં 100 વિકેટ પૂરી કરવા માટે માત્ર ત્રણ વિકેટની જરૂર છે, એકવાર તે 100 વિકેટ પૂરી કરી લે તો અર્શદીપ T20Iમાં આવું કારનામું કરનાર ભારતનો પ્રથમ બોલર બની જશે.

ઈંગ્લેન્ડ ટી-20 ટીમ

જોસ બટલર (કેપ્ટન અને wk), રેહાન અહેમદ, જોફ્રા આર્ચર, ગુસ એટકિન્સન, જેકબ બેથેલ, હેરી બ્રુક, બ્રાઈડન કાર્સ, બેન ડકેટ, જેમી ઓવરટોન, જેમી સ્મિથ, લિયામ લિવિંગસ્ટોન, આદિલ રશીદ, સાકિબ મહમૂદ, ફિલ સોલ્ટ (wk), માર્ક વુડ.

ભારતની T-20 ટીમ

સૂર્યકુમાર યાદવ (કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, રિંકુ સિંહ, નીતિશ કુમાર રેડ્ડી, અક્ષર પટેલ (વાઈસ-કેપ્ટન), હર્ષિત રાણા, અર્શદીપ સિંહ, મોહમ્મદ શમી, વરુણ ચક્રવર્તી, રવિ બિશ્નોઈ, વોશિંગ્ટન સુંદર, ધ્રુવ જુરેલ (વિકેટકીપર).

આ પણ વાંચો :- બનાસકાંઠાની મલાણા ગ્રામ પંચાયતના બે મહિલા સભ્યો અને તેના પતિઓ રૂ.2 લાખની લાંચ લેતા ઝડપાયા