રાજ્યના નવા મુખ્ય સચિવ તરીકે ACS પંકજ જોશીની નિમણૂક, 1 ફેબ્રુઆરીએ લેશે ચાર્જ

• હાલના મુખ્ય સચિવ રાજકુમાર 31 જાન્યુઆરીએ થશે નિવૃત

ગાંધીનગર, 24 જાન્યુઆરી : રાજ્યના મુખ્યમંત્રીના કાર્યાલયના ACS પંકજ જોશી હવે નવા મુખ્ય સચિવ બનશે. સામાન્ય વહીવટ વિભાગ દ્વારા સત્તાવાર જાહેરાત કરવામાં આવી છે. તેઓ આગામી 1 ફેબ્રુઆરીથી પોતાનો ચાર્જ સંભાળશે. હાલના મુખ્ય સચિવ રાજ કુમાર 31મી જાન્યુઆરીએ નિવૃત્ત થઈ રહ્યા છે. ત્યારે રાજકુમારની નિવૃત્તિના પગલે સામાન્ય વહીવટ વિભાગ દ્વારા મહત્વનો નિર્ણય લેવામાં આવ્યો. ACS પંકજ જોશી ઑક્ટોબર સુધી (૧૦ મહિના) મુખ્ય સચિવ રહેશે.