સુરતમાં પોલીસ ભરતી દરમિયાન કરૂણાજનક ઘટના બની

• સંજયકુમાર ગામીત PSIની ભરતી પરીક્ષામાં હાજર રહ્યા થયા હતા
• દોડ લગાવી રહેલા સંજયકુમારને અચાનક હાર્ટ એટેક આવ્યો
• સંજયકુમાર વાલિયા SRP દળ જૂથ-10માં પોલીસ કોન્સ્ટેબલ હતો

ગુજરાત રાજ્યમાં પોલીસ ભરતીની માટે શારીરિક પરીક્ષા ચાલી રહી છે, ત્યારે સુરતમાં પોલીસ ભરતી દરમિયાન કરૂણાજનક ઘટના બની છે. જેમાં 5 કિલોમીટરની દોડ લગાવી રહેલા યુવકને અચાનક હાર્ટ એટેક આવતાં ઢળી પડતાં તેને હોસ્પિટલ ખસેડવામાં આવ્યો હતો. જ્યાં હાજર ડૉક્ટરોની ટીમે તેને મૃત જાહેર કર્યો હતો.

યુવક વાલિયા SRP દળ જૂથ-10માં પોલીસ કોન્સ્ટેબલ હતો

યુવક વાલિયા SRP દળ જૂથ-10માં પોલીસ કોન્સ્ટેબલ તરીકે ફરજ બજાવતો હોવાનું જાણવા મળ્યું છે. સુરતના વાવ ખાતે આજે સવારે એક કરુણ ઘટના સામે આવી છે. પોલીસ સબ ઈન્સપેક્ટર અને લોકરક્ષક કેડરની ભરતી પરીક્ષા દરમિયાન દોડ લગાવી રહેલા એક ઉમેદવારનું હાર્ટ એટેકથી મૃત્યુ થયું છે. વાલીયા SRP દળ જૂથ-10માં પોલીસ કોન્સ્ટેબલ તરીકે ફરજ બજાવતા સંજયકુમાર રસીકભાઈ ગામીત (ઉં.વ.36) PSIની ભરતી પરીક્ષામાં હાજર રહ્યા થયા હતા.

યુવક બેભાન થઇને ઢળી પડતાં ફરજ પરના ડોક્ટરે તેને પ્રાથમિક સારવાર આપી

આજે (બુધવારે) સવારે 4:45 વાગે પ્રથમ બેચમાં 5 કિલોમીટર દોડ શરૂ કરવામાં આવી હતી. આ દરમિયાન યુવક બેભાન થઇને ઢળી પડતાં ફરજ પરના ડોક્ટરે તેને પ્રાથમિક સારવાર આપી હતી, પરંતુ હાલત ગંભીર જણાતા તેમને 108 એમ્બ્યુલન્સ મારફતે હોસ્પિટલ ખસેડવામાં આવ્યા હતા, જેમાં હાજર ડૉક્ટરોની ટીમે તેને મૃત જાહેર કર્યો હતો.

આ પણ વાંચો: અમદાવાદ: AMCના વોર્ડ નંબર-7 ઘાટલોડીયાની ખાલી પડેલી બેઠક માટે પણ પેટા ચૂંટણી યોજાશે