કંગનાની ફિલ્મ બૅન કરો, શીખોને કર્યા બદનામ; SGPCએ કરી માંગ

મુંબઈ, 16 જાન્યુઆરી 2025 :     કંગના રનૌતની ફિલ્મ ‘ઇમર્જન્સી’ 17 જાન્યુઆરીએ રિલીઝ થવા જઈ રહી છે. દરમિયાન, શીખ સંગઠન શિરોમણી ગુરુદ્વારા પ્રબંધક સમિતિએ ફિલ્મ પર પ્રતિબંધ મૂકવાની માંગ કરી છે. SGPC પ્રમુખ હરજિંદર સિંહ ધામીએ પંજાબ સરકાર પાસેથી આ માંગ કરી છે. કંગના રનૌત આ ફિલ્મની મુખ્ય અભિનેત્રી છે અને હિમાચલ પ્રદેશની મંડી લોકસભા બેઠક પરથી સંસદ સભ્ય છે. ધામીએ ગુરુવારે પંજાબના મુખ્યમંત્રી ભગવંત માનને પત્ર લખીને જણાવ્યું હતું કે ભાજપ સાંસદ કંગના રનૌત દ્વારા નિર્મિત ફિલ્મ ‘ઇમર્જન્સી’ 17 જાન્યુઆરી, 2025 ના રોજ પંજાબના વિવિધ શહેરોના સિનેમાઘરોમાં રિલીઝ થવા જઈ રહી છે અને તેની ટિકિટ પણ બુક થઈ રહી છે.

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਸਿੱਖਾਂ ਦਾ ਅਕਸ ਖ਼ਰਾਬ ਕਰਨ ਵਾਲੀ ਅਤੇ ਇਤਿਹਾਸ ਨੂੰ ਗਲਤ ਪੇਸ਼ ਕਰਦੀ ਕੰਗਨਾ ਰਣੌਤ ਦੀ ਫ਼ਿਲਮ ਐਮਰਜੈਂਸੀ ‘ਤੇ ਸਖ਼ਤ ਇਤਰਾਜ਼ ਪ੍ਰਗਟ ਕਰਦਿਆਂ, ਇਸ ਦੇ 17 ਜਨਵਰੀ 2025 ਨੂੰ ਰੀਲੀਜ਼ ਹੋਣ ਉੱਤੇ ਪੰਜਾਬ ਅੰਦਰ ਰੋਕ ਲਗਾਉਣ ਦੀ ਮੰਗ ਕੀਤੀ ਹੈ। ਇਸ ਨੂੰ ਲੈ ਕੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ… pic.twitter.com/IuT9yLYDBS

— Shiromani Gurdwara Parbandhak Committee (@SGPCAmritsar) January 16, 2025

તેમણે કહ્યું કે SGPC એ 28 સપ્ટેમ્બર 2024 ના રોજ આ ફિલ્મ અંગે વચગાળાની સમિતિના ઠરાવ દ્વારા પંજાબ સરકારના મુખ્ય સચિવને પત્ર લખીને કંગના રનૌતની ફિલ્મ ઇમરજન્સી પર પંજાબમાં પ્રતિબંધ મૂકવાની માંગ કરી હતી. તેમણે સ્પષ્ટપણે કહ્યું કે ફિલ્મ ‘ઇમર્જન્સી’ પંજાબમાં પ્રદર્શિત થવા દેવામાં આવશે નહીં કારણ કે તે શીખોને બદનામ કરવાના ઉદ્દેશ્યથી રાજનીતિક રીતે બનાવવામાં આવી છે. ધામીએ કહ્યું કે એક ઠરાવ દ્વારા રાજ્ય સરકારને પંજાબમાં આ ફિલ્મના રિલીઝ પર પ્રતિબંધ મૂકવાની માંગ કરવામાં આવી હતી, પરંતુ દુર્ભાગ્યપૂર્ણ છે કે પંજાબ સરકારે અત્યાર સુધી કોઈ કાર્યવાહી કરી નથી. જો આ ફિલ્મ ૧૭ જાન્યુઆરી, ૨૦૨૫ ના રોજ રિલીઝ થાય છે, તો સ્વાભાવિક છે કે તેનાથી શીખ સમુદાયમાં રોષ અને ગુસ્સો પેદા થશે.

તેમણે કહ્યું કે આ ફિલ્મમાં ૧૯૮૪માં સચખંડ શ્રી સુવર્ણ મંદિર, શ્રી અકાલ તખ્ત સાહિબ અને અન્ય અનેક સ્થળોએ થયેલા ઘાતક હુમલાઓ તેમજ શીખ હત્યાકાંડ અને નરસંહારને દબાવીને ,રાષ્ટ્ર વિરુદ્ધ ઝેર ફેલાવવામાં આવ્યું છે અને શીખ વિરોધી એજન્ડાને પ્રોત્સાહન આપ્યું છે. આ સાથે ફિલ્મમાં શીખ રાષ્ટ્રીય શહીદ સંત જરનૈલ સિંહ ખાલસા ભિંડરાનવાલેનું પણ ચિત્રણ કરવામાં આવ્યું છે. ધામીએ કહ્યું કે આ પત્ર દ્વારા, SGPC ફરી એકવાર ભારપૂર્વક માંગ કરે છે કે સાંસદ કંગના રનૌતની ઇમરજન્સી ફિલ્મને 17 જાન્યુઆરી, 2025 ના રોજ પંજાબમાં રિલીઝ થવાથી તાત્કાલિક રોકવી જોઈએ. જો આ ફિલ્મ પંજાબમાં રિલીઝ થશે, તો અમને રાજ્ય સ્તરે તેનો ઉગ્ર વિરોધ કરવાની ફરજ પડશે.

આ પણ વાંચો :VIDEO/ બેકરીના બોઈલરમાં થયો જોરદાર વિસ્ફોટ, 13 થી વધુ લોકો ગંભીર રીતે દાઝી ગયા; જાણો ક્યાં બની આ કરૂણ ઘટના