કંગાળ પાકિસ્તાન પાસે કરોડોની સંપતિ; શું દૂર થઈ જશે પાડોશી દેશની ગરીબી?
પાકિસ્તાન, 13 જાન્યુઆરી 2025 : સોનાને સલામત રોકાણ કહેવામાં આવે છે. એવું માનવામાં આવે છે કે મુશ્કેલીના સમયમાં સોનું ખૂબ ઉપયોગી થઈ પડે છે, તેથી જ મોટા દેશો પાસે ગોલ્ડ રિઝર્વ હોય છે. ભારત પાસે ૮૭૬ ટન ગોલ્ડ રિઝર્વ છે. આ ઉપરાંત, વિશ્વના તમામ દેશોમાં અમેરિકા પાસે સૌથી વધુ સોનાનો ભંડાર છે. હવે ગરીબ પાકિસ્તાન પાસે પણ અબજોનો ખજાનો છે. પાકિસ્તાને સિંધુ નદીમાં સોનાનો વિશાળ ભંડાર શોધી કાઢ્યો હોવાના અહેવાલ છે. પાકિસ્તાનને આ ખાણમાં એટલું બધું સોનું મળ્યું છે કે તે દેશની ગરીબી પળવારમાં દૂર કરી શકે છે. ચાલો જાણીએ શું છે આખો મામલો?
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/K2iNelyylPD9ZoDNpMuN9o
પાકિસ્તાન પાસે ૧,૮૪,૯૭ કરોડ રૂપિયાનું સોનું
એક અહેવાલ મુજબ, પાકિસ્તાને સિંધુ નદીમાં અબજો રૂપિયાના સોનાના ભંડાર શોધી કાઢ્યા છે. સિંધુ નદી વિશ્વની સૌથી જૂની અને લાંબી નદીઓમાંની એક છે. ટેક્ટોનિક પ્લેટોની અથડામણને કારણે અહીં મોટા પ્રમાણમાં સોનું એકઠું થયું છે. અહેવાલો અનુસાર, પ્લેસર ગોલ્ડ ડિપોઝિટ તરીકે ઓળખાતી આ કુદરતી પ્રક્રિયાને કારણે નદીમાં કેટલીક જગ્યાએ મોટા પ્રમાણમાં સોનું જમા થયું છે. પાકિસ્તાની અહેવાલો અનુસાર, તેમણે શોધેલા સોનાના ભંડારની કિંમત 32.6 મેટ્રિક ટન હોવાનો અંદાજ છે, જે આશરે 600 અબજ પાકિસ્તાની રૂપિયા, એટલે કે ભારતીય ચલણમાં 1,84,97 કરોડ રૂપિયા બરાબર છે. જોકે, પાકિસ્તાને હજુ સુધી આ અંગે કોઈ સત્તાવાર જાહેરાત કરી નથી.
જો પાકિસ્તાનને ૧,૮૪,૯૭ કરોડ રૂપિયાનું સોનું મળવાના સમાચાર સાચા સાબિત થાય, તો શું તે દેશની ગરીબી દૂર કરવા માટે પૂરતું છે? એવા સવાલો ઉઠી રહ્યાં છે.
ગરીબી દૂર થશે?
૬૦૦ અબજ પાકિસ્તાની રૂપિયાના આ ખજાના અંગે એવું કહેવામાં આવી રહ્યું છે કે દેશમાં મળી આવેલો આ ભંડાર દેશનું ભાગ્ય અને ચિત્ર બદલી શકે છે. ૬૦૦ અબજ પાકિસ્તાની રૂપિયા દેશના દેવાથી લઈને વિવિધ આવશ્યક ખર્ચાઓ સુધીના કેટલાક નાણાકીય પડકારોને દૂર કરવામાં મદદ કરી શકે છે. એવું માનવામાં આવે છે કે આ સોનાના ભંડાર સરકાર માટે પૂરતી આવક પેદા કરી શકે છે અને દેશની આર્થિક સ્થિતિમાં સુધારો કરી શકે છે.
આ ખાણો પણ મળી આવી હતી
ગોલ્ડ રિઝર્વ ઉપરાંત, પાકિસ્તાનમાં બીજી ઘણી વસ્તુઓની ખાણો છે. માહિતી અનુસાર, બલુચિસ્તાનમાં ઘણી સોનાની ખાણો છે. જ્યાં રેકો ડિક ખાણ સોના અને તાંબાથી ભરેલી છે. બલુચિસ્તાનના ચગાઈ જિલ્લામાં મળેલી આ ખાણમાં લાખો ટન સોનાનો ભંડાર પણ છે. આ ખાણની ગણતરી વિશ્વની ઘણી મોટી ખાણોમાં થાય છે. જ્યાં સોના અને તાંબાનું ખાણકામ થાય છે અને આ જ કારણ છે કે ચીનની નજર આ સ્થળ પર છે અને તે ખાણકામ કરી રહ્યું છે.
આ પણ વાંચો : ગુજરાતથી મહાકુંભમાં જતી ટ્રેન પર પથ્થરમારો, શ્રદ્ધાળુઓએ વીડિયો શેર કરી પીએમ મોદીને અપીલ કરી
