શેરબજારમાં ભારે ઉથલપાથલ, સેન્સેક્સ 600 પોઈન્ટથી વધુ લપસી ગયો

નવી દિલ્હી, ૮ જાન્યુઆરી: આજે ભારતીય શેરબજારમાં જબરદસ્ત ઘટાડો નોંધાયો હતો. સેન્સેક્સ 148 પોઈન્ટ તૂટ્યો. સવારે 10:00 વાગ્યા સુધી સેન્સેક્સ લાલ નિશાનમાં ટ્રેડ થતો જોવા મળ્યો હતો. સેન્સેક્સે 78,319.45 પર ટ્રેડિંગ શરૂ કર્યું. ટ્રેડિંગ શરૂ થતાંની સાથે જ સેન્સેક્સમાં 400થી વધુ પોઈન્ટ્સનો ઘટાડો જોવા મળ્યો હતો, જે તેને 77,898.6ની નીચી સપાટીએ લઈ ગયો હતો. જોકે, સેન્સેક્સ સુધરીને ફરી 78,000ની સપાટીને સ્પર્શી ગયો હતો. હાલમાં સેન્સેક્સ 674 પોઈન્ટના ઘટાડા સાથે 77,524 ના સ્તર પર ટ્રેડ કરી રહ્યો હતો. એ જ રીતે, નિફ્ટી પણ 23,746.65ના સ્તરથી ઘટીને ડાઉનવર્ડ પાથ પર ગયો હતો અને 200થી વધુ પોઈન્ટના ઘટાડા સાથે 23,506 પર ટ્રેડ થતો જોવા મળ્યો હતો.

તે જ સમયે, આજે ટ્રેડિંગ દરમિયાન નિફ્ટીમાં તીવ્ર ઘટાડો નોંધાયો હતો. સવારે 10:00 વાગ્યા સુધી નિફ્ટી 43 પોઈન્ટ લપસી ગયો હતો. નિફ્ટીએ 23,746 પોઈન્ટ પર ટ્રેડિંગ શરૂ કર્યું હતું. ટ્રેડિંગ દરમિયાન નિફ્ટીનું સૌથી નીચું સ્તર 23,622.20 હતું, જ્યારે 10:00 સુધી તે 23,751.85ના સર્વોચ્ચ સ્તરને સ્પર્શ્યું હતું. સવારે 10:00 વાગ્યા સુધીમાં નિફ્ટી 23,648.55 પોઈન્ટ પર ટ્રેડ કરી રહ્યો હતો. આજે ટ્રેડિંગ દરમિયાન સેન્સેક્સના 30 શેરોમાંથી 12માં ઉછાળો હતો જ્યારે 18 ડાઉન હતા. તે જ સમયે, નિફ્ટી 50ના 31 શેરોમાં વધારો અને 14માં ઘટાડો જોવા મળ્યો હતો, જ્યારે અન્ય 6માં કોઈ ફેરફાર થયો નથી. ભારતીય રૂપિયો બુધવારે 13 પૈસા ઘટીને 85.85 પ્રતિ ડૉલર પર બંધ થયો હતો, જ્યારે મંગળવારે તે 85.72 પ્રતિ ડૉલર પર બંધ થયો હતો.

આ ઘટાડા વચ્ચે ઘણી મોટી કંપનીઓના શેરને ભારે નુકસાન થયું છે. અદાણી પોર્ટ્સ 2.76% ઘટ્યા, જ્યારે ટાઇટનના શેર 3% ઘટ્યા. આ સિવાય એનટીપીસી, ટાટા મોટર્સ, ઈન્ફોસિસ, આઈસીઆઈસીઆઈ બેંક અને એચસીએલ ટેક જેવા લાર્જકેપ શેર પણ લાલમાં હતા. મિડકેપ કંપનીઓમાં BHEL, Tata Elxsi, Aarti Industries, Biocon, GoDigit અને Voltas જેવા શેર 2-4% ઘટ્યા છે.

બુધવારના કારોબારમાં શેરબજારો લાલ નિશાનમાં બંધ થયા છે. જો કે, છેલ્લા અડધા કલાકમાં બજારમાં સ્થિરતા જોવા મળી હતી અને બજારો તેમના નીચલા સ્તરેથી ઘણું નુકસાન વસૂલવામાં સફળ રહ્યા હતા. આજે સેન્સેક્સ 51 પોઈન્ટના ઘટાડા સાથે 78148 પર અને નિફ્ટી 19 પોઈન્ટના ઘટાડા સાથે 23689 પર બંધ થયા છે. બેન્ક નિફ્ટી બુધવારે 0.73 ટકાના ઘટાડા સાથે 49835 ના સ્તર પર બંધ થયો હતો.

આ પણ વાંચો…શેરબજાર ખૂલતા જ કડાકો, સેન્સેક્સ 400 અને નિફ્ટી 50 પોઈન્ટથી વધુ તૂટ્યા