રેલવેની વોટ્સએપ સેવાથી યાત્રા થઇ સરળ, એક ક્લિકમાં સંપૂર્ણ માહિતી ઉપલબ્ધ

નવી દિલ્હી, 08 જાન્યુઆરી : હવે વોટ્સએપની મદદથી રેલ્વે સંબંધિત ઘણી સેવાઓનો પણ લાભ લઈ શકાશે. ટ્રેનમાં મુસાફરી કરતા મુસાફરો વોટ્સએપ પર PNR સ્ટેટસ, લાઈવ ટ્રેન સ્ટેટસ, ફૂડ ઓર્ડર, ટ્રેન ટિકિટ બુકિંગ, ટ્રેનનું સમયપત્રક, કોચની સ્થિતિ, ટ્રેનમાં મુસાફરી કરતી વખતે કોઈપણ અસુવિધાનાં કિસ્સામાં ફરિયાદ કેવી રીતે કરવી વગેરે જેવી વિવિધ માહિતી મેળવી શકે છે. .

રેલવેએ આ નંબર જાહેર કર્યો

• WhatsApp Relofy ચેટબોટના આધારે કામ કરે છે. રેલવેની વોટ્સએપ સેવા માટે 98811-93322 સેવ કરવાનો રહેશે.
• નંબર સેવ કર્યા બાદ મોબાઈલમાં વોટ્સએપ ઓપન કરો. વોટ્સએપ ખોલ્યા બાદ તમારે આ ચેટબોટના મેસેજ બોક્સમાં જઈને અંગ્રેજીમાં Hi લખવાનું રહેશે.
• થોડા સમય પછી, એક મેસેજ આવશે, જેમાં PNR સ્ટેટસ, ફૂડ ઓર્ડર, ટ્રેન સ્ટેટસ જેવા ઘણા વિકલ્પો દેખાશે.
• આ વિકલ્પોમાં ટ્રેનમાં ફૂડ, મારી ટ્રેન ક્યાં છે, ટ્રાવેલ ગેરંટી કન્ફર્મ કરો, બુક રિટર્ન ટિકિટ, ટ્રેનનું શેડ્યૂલ, કોચની સ્થિતિ અને ટ્રેનની મુસાફરી દરમિયાન ફરિયાદોનો સમાવેશ થાય છે.

આ પણ વાંચો : આસામના ઉમરાંગસોમાં ફસાયેલા ખાણિયાઓને બચાવવામાં મદદ માટે ભારતીય નૌકાદળની ટીમ તૈનાત