અમદાવાદ: શહેરના રિવરફ્રન્ટ ઉપર ઉંચી ઇમારતો જોવા મળશે, ડેવલપમેન્ટ ગિફ્ટ સિટી દ્વારા કરાશે

• ગાંધીનગરથી અમદાવાદ વચ્ચે આ રિવરફ્રન્ટને જોડી દેવામાં આવશે
• ગિફ્ટ સિટી આવવા માટેનો નવો માર્ગ પણ તૈયાર થશે
• ડેવલપમેન્ટ માટેની કામગીરી ગિફ્ટ સિટીના સોંપવામાં આવી

અમદાવાદ શહેરના રિવરફ્રન્ટ ઉપર ઉંચી ઇમારતો જોવા મળશે જેમાં ડેવલપમેન્ટ ગિફ્ટ સિટી દ્વારા કરાશે. રિવરફ્રન્ટ આસપાસ ખાનગી જમીનોનું ડેવલપમેન્ટ પણ ગિફ્ટ સિટી દ્વારા કરાશે. રાજ્યના પાટનગર ગાંધીનગરની ભાગોળે ગિફ્ટ સિટી આકાર પામી રહ્યું છે ત્યારે સાબરમતી નદીના કિનારે રિવરફ્રન્ટ પણ તૈયાર થઈ રહ્યો છે ત્યારે તેની આસપાસનો વિસ્તાર પણ ગિફ્ટ સિટી જેવો જ બને તે માટે તેમના ડેવલપમેન્ટ માટેની કામગીરી ગિફ્ટ સિટીના સોંપવામાં આવી છે.

શહેરી વિકાસ વિભાગ દ્વારા વિધિવત જાહેરનામું પણ બહાર પાડી દેવામાં આવ્યું

શહેરી વિકાસ વિભાગ દ્વારા વિધિવત જાહેરનામું પણ બહાર પાડી દેવામાં આવ્યું છે. જો કે તેમાં ખેડૂતોની 50 ટકા જમીન કપાત કરવાનું પણ નક્કી થયું છે. ગુજરાત ઇન્ટરનેશનલ ફાઇનાન્સ ટેક સિટી એટલે કે ગિફ્ટ સિટીમાં હાલ જે પ્રકારે ઇમારતો બની રહી છે અને તેમાં ગુજરાત કે ભારતની નહીં પરંતુ વૈશ્વિક કક્ષાની કંપનીઓ પણ આવી રહી છે અને આ પ્રકારે હજુ અન્ય ઇમારતો પણ આકાર પામી રહી છે.

રિવરફ્રન્ટનો મહત્વકાંક્ષી પ્રોજેક્ટ પણ અમલમાં મૂકવામાં આવ્યો

વૈશ્વિક કક્ષાની સુવિધાઓ સાથે તૈયાર થનારી આ ગિફ્ટ સિટી સાબરમતી નદીના કિનારે આવેલું છે ત્યારે ત્યારે અહીં રિવરફ્રન્ટનો મહત્વકાંક્ષી પ્રોજેક્ટ પણ અમલમાં મૂકવામાં આવ્યો છે અને તેની કામગીરી પણ શરૂ કરી દેવામાં આવી છે ત્યારે ગિફ્ટ સિટી ઉપરાંત રિવરફ્રન્ટ આસપાસનો વિસ્તાર પણ આ જ પ્રકારે વૈશ્વિક ધોરણે વિકસે તે માટે ગિફ્ટ સિટી દ્વારા આ વિસ્તારની ટાઉન પ્લાનિંગની સ્કીમ તૈયાર કરવામાં આવશે. આ માટે શહેરી વિકાસ વિભાગ દ્વારા નોટિફિકેશન જાહેર કરી દેવામાં આવ્યું છે અને ગિફ્ટ સિટી ડેવલોપમેન્ટ ઓથોરિટીની હદમાં આવતી આ ખાનગી જમીન ઉપર ટાઉન પ્લાનિંગ સ્કીમ તૈયાર કરીને ખેડૂતોને ફાઇનલ પ્લોટ આપવામાં આવશે.

ગિફ્ટ સિટી આવવા માટેનો નવો માર્ગ પણ તૈયાર થશે

જોકે તેમાં 50 ટકા જેટલી જમીન કપાત કરવાનું પણ નક્કી કરવામાં આવ્યું છે અને કપાતમાં ગયેલી જમીનમાં માળખાકીય સુવિધાઓ ઊભી કરવામાં આવશે જે અત્યાર સુધી કોઈપણ શહેરી વિસ્તારમાં ઊભી કરવામાં નહીં આવી હોય તે પ્રકારની રહેશે. ગાંધીનગરથી અમદાવાદ વચ્ચે આ રિવરફ્રન્ટને જોડી દેવામાં આવશે. જેથી ગિફ્ટ સિટી આવવા માટેનો નવો માર્ગ પણ તૈયાર થશે.

આ પણ વાંચો: ગુજરાત: અખિલ ગુજરાત ગિરનાર આરોહણ અવરોહણ સ્પર્ધા યોજાશે, રૂ. 8 લાખના ઇનામો અપાશે