સલમાન ખાને ભાણી આયત સાથે ઉજવ્યો 59મો બર્થડે, જુઓ વીડિયો
- બોલિવૂડ અભિનેતા સલમાન ખાને મુંબઈમાં અર્પિતા-આયુષની દીકરી આયત સાથે પોતાનો જન્મદિવસ ભવ્ય રીતે ઉજવ્યો હતો. આયતનો જન્મદિવસ પણ 27 ડિસેમ્બરે છે
27 ડિસેમ્બર, મુંબઈઃ બોલિવૂડનો દબંગ ખાન એટલે કે અભિનેતા સલમાન ખાન 59 વર્ષનો થઈ ગયો છે. 27મી ડિસેમ્બરે તેના 59માં જન્મદિવસ પર બોલિવૂડ સેલિબ્રિટીથી લઈને તેના ચાહકો સુધી દરેક આ સ્ટારને અભિનંદન આપી રહ્યા છે. સોશિયલ મીડિયા પર ચાહકો તરફથી શુભેચ્છાઓનું પૂર આવ્યું છે. ગઈકાલે રાત્રે સલમાન ખાને મુંબઈમાં તેમનો ભવ્ય જન્મદિવસ ઉજવ્યો હતો.
View this post on Instagram
ઉલ્લેખનીય છે કે સલમાન ખાનની ભાણી એટલે કે અર્પિતા-આયુષની દીકરી આયતનો જન્મદિવસ પણ 27મી ડિસેમ્બરે આવે છે. આવા સંજોગોમાં મામા અને ભાણી બંને એક જ દિવસે ખૂબ જ ધામધૂમથી તેમનો જન્મદિવસ ઉજવે છે. સલમાને તેની 5 વર્ષની ભાણી આયત, બહેન અર્પિતા અને જીજા આયુષ સાથે તેનો જન્મદિવસ ઉજવ્યો હતો. આ ખાસ પ્રસંગે તેમના નજીકના મિત્રો હાજર રહ્યા હતા. આ પાર્ટીમાં અભિનેતાની એક્સ ગર્લફ્રેન્ડ સંગીતા બિજલાની, કથિત ગર્લફ્રેન્ડ યુલિયા વંતુર, સંગીતકાર સાજિદ ખાન સહિત ઘણા લોકો જોવા મળ્યા હતા.
View this post on Instagram
મ્યુઝિક કમ્પોઝર અને સલમાન ખાનના નજીકના મિત્ર સાજિદ ખાને અભિનેતાના જન્મદિવસનો અંદરનો વીડિયો સોશિયલ મીડિયા પર શેર કર્યો છે. આ વીડિયોમાં સલમાન ખાન 4 ટાયર કેક અને 2 અન્ય કેક કાપતો જોવા મળી રહ્યો છે.
View this post on Instagram
અભિનેતાના બોડીગાર્ડ શેરાએ તેના ઇન્સ્ટાગ્રામ પર સલમાન ખાનના જન્મદિવસની ઉજવણીની એક તસવીર શેર કરી અને લખ્યું છે કે મારા માલિકનો જન્મદિવસ છે. આ પાર્ટીમાં અભિનેતાના ઘણા મિત્રોએ હાજરી આપી હતી. જન્મદિવસની ઉજવણીની અંદરની તસવીરો અને વીડિયો સામે આવ્યા છે, જેમાં સલમાન તેના પરિવાર અને મિત્રો સાથે ઉજવણી કરી રહ્યો છે.
આ પણ વાંચોઃ મનમોહન સિંહના નિધન પર શોકમાં ડૂબ્યું બોલિવૂડ-ટીવી જગત, સ્ટાર્સે ભાવુક શ્રદ્ધાંજલિ આપી
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
