બર્મિંગહામ કોમનવેલ્થ ગેમ્સ 2022નું રંગારંગ સમાપન થયું છે. મોડી રાત્રે એલેક્ઝાંડર સ્ટેડિયમમાં યોજાયેલા સમારોહમાં ખેલાડીઓએ ઓસ્ટ્રેલિયાના વિક્ટોરિયામાં મળવાનું વચન આપ્યું. જ્યાં ચાર વર્ષ પછી 2026માં 23મી કોમનવેલ્થ ગેમ્સ યોજાવાની છે. આ કોમનવેલ્થનું સત્તાવાર રાષ્ટ્રગીત વગાડીને વિક્ટોરિયાના ગવર્નરને કોમનવેલ્થ ધ્વજ સોંપવામાં આવ્યો હતો. 11 દિવસ સુધી ચાલેલી રમતોમાં વિવિધ દેશોના ખેલાડીઓએ તેમના પ્રદર્શનથી ઘણી હેડલાઈન્સ બનાવી હતી.
The smiles say it all. ????
Our flagbearers and athletes proudly representing their country, celebrating an incredible 11 days of sport. #B2022 | #ClosingCeremony | #CommonwealthGames pic.twitter.com/eHgtQy5Y3K
— Commonwealth Sport (@thecgf) August 8, 2022
72 દેશોના 5000થી વધુ ખેલાડીઓએ લીધો હતો ભાગ
કોમનવેલ્થ ગેમ્સ 2022માં કુલ 72 દેશોના 5000થી વધુ ખેલાડીઓએ ભાગ લીધો હતો. આ કોમનવેલ્થ ગેમ્સ દરમિયાન કુલ 877 મેડલનું વિતરણ કરવામાં આવ્યું હતું અને 97 રમતોના રેકોર્ડ અને ચાર વિશ્વ વિક્રમો સ્થાપિત કરવામાં આવ્યા હતા. ટેબલ ટેનિસ ખેલાડી શરથ કમલ અને મહિલા બોક્સર નિખત ઝરીન સમાપન સમારોહમાં ભારત તરફથી ધ્વજવાહક હતા.
કલાકારો દ્વારા શાનદાર પ્રદર્શન
સમાપન સમારોહમાં કલાકારોએ તેમના પ્રદર્શનથી ચાહકો અને તમામ ખેલાડીઓને મંત્રમુગ્ધ કરી દીધા હતા. પોપ બેન્ડ UB40 એ તેમના પ્રખ્યાત ગીત ‘રેડ રેડ વાઈન’ દ્વારા ખૂબ મનોરંજન કર્યું. આ પછી સ્ટેજ પર ભારતીય નૃત્ય ભાંગડા પરફોર્મ કરવામાં આવ્યું. જેને જોઈને ચાહકો એકદમ ક્રેઝી થઈ ગયા હતા. બાદમાં જોર્જા સ્મિથે સ્ટેજ પર વન-ઓન-વન પરફોર્મન્સ આપ્યું હતું.
#Birmingham #ClosingCeremony -what an atmosphere. That #PunjabiMC track just rocked Alexander Stadium. Another Brum lad. Great Bhangra performance by Lions of Punjab. pic.twitter.com/XcYByAETOF
— Preet Kaur Gill MP (@PreetKGillMP) August 8, 2022
ભારતને ચોથું સ્થાન મળ્યું છે
ભારતે આ ગેમ્સમાં 22 ગોલ્ડ, 16 સિલ્વર અને 23 બ્રોન્ઝ મેડલ સહિત કુલ 61 મેડલ જીત્યા હતા. આ શાનદાર પ્રદર્શનના કારણે ભારતે ચોથું સ્થાન મેળવ્યું હતું. ઓસ્ટ્રેલિયા 67 ગોલ્ડ, 57 સિલ્વર અને 54 બ્રોન્ઝ મેડલ સાથે મેડલ ટેલીમાં ટોચ પર છે. બીજી તરફ યજમાન ઈંગ્લેન્ડે 57 સુવર્ણ ચંદ્રકો સાથે બીજું અને કેનેડાએ 26 સુવર્ણ ચંદ્રકો સાથે ત્રીજું સ્થાન મેળવ્યું હતું.
રેસલિંગ-વેઇટલિફ્ટિંગ સૌથી વધુ મેડલ
કોમનવેલ્થ ગેમ્સ 2022માં ભારતને કુસ્તીમાં સૌથી વધુ મેડલ મળ્યા છે. ભારતીય કુસ્તીબાજોએ કુસ્તીમાં 12 મેડલ જીત્યા હતા. જેમાં છ ગોલ્ડ, એક સિલ્વર અને પાંચ બ્રોન્ઝ મેડલનો સમાવેશ થાય છે. આ પછી આ લિસ્ટમાં વેટલિફ્ટિંગનો નંબર આવે છે જ્યાં ભારતને 10 મેડલ મળ્યા હતા. આ સિવાય ભારતને બોક્સિંગમાં ત્રણ ગોલ્ડ સહિત 7 મેડલ પણ મળ્યા છે.
