રામ રાખે તેને કોણ ચાખે/ ઉપરથી પસાર થઈ ટ્રેન, આબાદ બચી ગયો વ્યક્તિ; જુઓ Video
કેરળ, 25 ડિસેમ્બર 2024 : દેશના અલગ-અલગ ભાગોમાંથી ટ્રેનની સામે આવવાથી લોકોના અવસાન થયા હોય તેવા સમાચાર આવી રહ્યાં છે. જો કે આ વખતે કેરળના કન્નુર જિલ્લામાંથી એક ચોંકાવનારો વીડિયો સામે આવ્યો છે. કન્નુરમાં એક વ્યક્તિ ઝડપભેર ચાલતી ટ્રેનની નીચે આવી ગયો. જોકે, માણસની બુદ્ધિથી તેનો જીવ બચી ગયો. તે વ્યક્તિ પોતાનો જીવ બચાવવા ટ્રેક પર સૂઈ ગયો અને ટ્રેન તેની ઉપરથી પસાર થઈ ગઈ. આવો જાણીએ આ સમગ્ર ઘટના વિશે.
ચોંકાવનારો વીડિયો સામે આવ્યો
આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં એક વ્યક્તિ ટ્રેનમાંથી પોતાનો જીવ બચાવવા માટે પાટા પર પડેલો જોઈ શકાય છે. માણસ પાટા પર સૂઈ જાય છે અને ટ્રેન તેની ઉપરથી પસાર થાય છે. જ્યાં સુધી ટ્રેન પસાર ન થાય ત્યાં સુધી વ્યક્તિ પાટા પર સ્થિર રહે છે. ટ્રેન પસાર થયા પછી, તે માણસ પાટા પરથી ઊભો થયો અને કોઈ નુકસાન કર્યા વિના ચાલ્યો ગયો. આ ઘટનાનો સમગ્ર વીડિયો સોશિયલ મીડિયા પર વાયરલ થઈ રહ્યો છે.
#Kerala: A middle-aged man from Chirakkal narrowly survived after a train passed over him in Pannenpara, Kannur, while he was walking along the tracks. Eyewitnesses reported that he lay down on the tracks just before the train approached, emerging unscathed. pic.twitter.com/ZPApakxHRp
— Informed Alerts (@InformedAlerts) December 24, 2024
તે વ્યક્તિએ પોતે જ કિસ્સો સંભળાવ્યો
મળતી માહિતી મુજબ, આ સમગ્ર ઘટના સોમવારે સાંજે લગભગ 5 વાગ્યાની આસપાસ કન્નુર અને ચિરક્કલ રેલવે સ્ટેશન વચ્ચે બની હતી. આ સમયે મેંગ્લોર-તિરુવનંતપુરમ ટ્રેન અહીંથી પસાર થઈ હતી. રેલવે પોલીસે વીડિયોમાં દેખાતા વ્યક્તિની ઓળખ 56 વર્ષીય પવિત્રન તરીકે કરી છે. તે શાળામાં સફાઈ કામદાર તરીકે કામ કરે છે. આ કેસમાં પોલીસે પવિત્રનનું નિવેદન પણ નોંધ્યું છે. પવિત્રનએ કહ્યું કે તે ફોન પર કોઈની સાથે વાત કરી રહ્યો હતો. આ કારણોસર તે ટ્રેનના આવવાનો અંદાજ રહ્યો નહીં. પવિત્રનને ભયનો અહેસાસ થયો ત્યાં સુધીમાં તેની પાસે ત્યાંથી ભાગવાનો સમય નહોતો. આવી સ્થિતિમાં, પવિત્રન પાટા પર સૂવાનું નક્કી કર્યું અને તેનો જીવ બચાવવામાં સફળ રહ્યો.
ઉંચાઈ ઓછી હતી એટલે બચી ગયો
આ ઘટના અંગે પોલીસે કહ્યું છે કે તેઓ પણ વાયરલ થઈ રહેલા વીડિયોને જોઈને આશ્ચર્યચકિત છે. પોલીસે જણાવ્યું હતું કે પવિત્રન ટૂંકા કદનો હતો તેથી તે ઘટનામાં બચી ગયો હતો. પોલીસના જણાવ્યા અનુસાર, જ્યારે આ ઘટનાનો વીડિયો વાયરલ થયો, ત્યારે એવી અફવા ફેલાઈ કે એક નશામાં ધૂત વ્યક્તિ ટ્રેક પર સૂઈ રહ્યો છે અને બાદમાં તે સ્થળ છોડી ગયો. જો કે, પવિત્રનનું કહેવું છે કે તે નશામાં ન હતો અને તે પોતાનો જીવ બચાવવા ટ્રેક પર સૂઈ ગયો હતો. પવિત્રનએ કહ્યું છે કે આ ઘટનાએ તેને હચમચાવી દીધો છે. તેણે કહ્યું કે હું હજુ પણ ડરમાંથી બહાર આવ્યો નથી.
આ પણ વાંચો : ચેમ્પિયન્સ ટ્રોફી 2025નું શેડ્યૂલ થઈ ગયું જાહેર, ભારત-પાક મેચની તારીખ નક્કી
