એશિયા કપ 2022 માટે ટીમ ઈન્ડિયાની જાહેરાત કરવામાં આવી છે. આજે મુખ્ય પસંદગીકાર ચેતન શર્માની આગેવાની હેઠળની પસંદગી સમિતિની બેઠક બાદ 15 સભ્યોની ભારતીય ટીમને અંતિમ સ્વરૂપ આપવામાં આવ્યું હતું. જેમાં વિરાટ કોહલી અને વાઇસ કેપ્ટન કે.એલ. રાહુલ ભારતીય ટીમમાં પરત ફર્યા છે. બીજી તરફ ઝડપી બોલર જસપ્રીત બુમરાહને ઈજાના કારણે ટીમમાંથી બહાર રાખવામાં આવ્યો છે.
એશિયા કપ માટેની ભારતીય ટીમ
રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, ઋષભપંત (વિકેટકીન), દીપક હુડ્ડા, દિનેશ કાર્તિક (વિકેટકીન), હાર્દિક પંડ્યા, રવિન્દ્ર જાડેજા, આર. અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર, અર્શદીપ સિંહ, અવેશ ખાન.
આ ત્રણેય ખેલાડીઓ સ્ટેન્ડબાય છે
અન્ય એક ટ્વિટમાં BCCIએ કહ્યું, ‘જસપ્રિત બુમરાહ અને હર્ષલ પટેલ ઈજાના કારણે પસંદગી માટે ઉપલબ્ધ નહોતા. હાલમાં તે બેંગ્લોરમાં સ્થિત NCAમાં રિહેબમાં છે. ત્રણ ખેલાડીઓ શ્રેયસ અય્યર, અક્ષર પટેલ અને દીપક ચહરને સ્ટેન્ડબાય તરીકે રાખવામાં આવ્યા છે.
ટીમ માત્ર ત્રણ ઝડપી બોલરો
ખાસ વાત એ છે કે ભારતીય ટીમમાં ત્રણ વિશેષજ્ઞ ફાસ્ટ બોલર ભુવનેશ્વર કુમાર, અવેશ ખાન અને અર્શદીપ સિંહને જગ્યા મળી છે. જ્યારે ચાર સ્પિન બોલર બિશ્નોઈ, ચહલ, જાડેજા અને અશ્વિન છે. કદાચ UAEની સ્પિનિંગ સ્થિતિને ધ્યાનમાં રાખીને ભારતીય પસંદગીકારોએ આ નિર્ણય લીધો છે.
કાર્તિક-હુડ્ડા પણ ટીમમાં છે
વિરાટ કોહલીને વિન્ડીઝ અને ઝિમ્બાબ્વેના પ્રવાસમાંથી આરામ આપવામાં આવ્યો હતો પરંતુ હવે તે ટીમમાં પાછો ફર્યો છે. વાઇસ કેપ્ટન કેએલ રાહુલ ઈજામાંથી સ્વસ્થ થઈને ટીમમાં પાછો ફર્યો છે. રિષભ પંત ઉપરાંત દીપક હુડા અને દિનેશ કાર્તિકને પણ ટીમમાં તક મળી છે. ખરાબ ફોર્મના કારણે શ્રેયસ અય્યરને દીપક ચહર અને અક્ષર પટેલની સાથે સ્ટેન્ડબાય રાખવામાં આવ્યા છે.
27મી ઓગસ્ટથી ટુર્નામેન્ટ
UAEમાં 27 ઓગસ્ટથી 11 સપ્ટેમ્બર દરમિયાન યોજાનાર એશિયા કપ 2022માં છ ટીમો ભાગ લેવા જઈ રહી છે. શ્રીલંકા, ડિફેન્ડિંગ ચેમ્પિયન ભારત, પાકિસ્તાન, બાંગ્લાદેશ અને અફઘાનિસ્તાન ટૂર્નામેન્ટ માટે ક્વોલિફાય થઈ ચૂક્યા છે. તે જ સમયે, છઠ્ઠી અને અંતિમ ટીમ ક્વોલિફાઇંગ ટૂર્નામેન્ટ પછી નક્કી કરવામાં આવશે. છ ટીમોની ક્વોલિફાઈંગ ટુર્નામેન્ટ 20 ઓગસ્ટથી હોંગકોંગ, કુવૈત, સિંગાપોર અને યુએઈ સાથે શરૂ થશે.
