પૂજા ખેડકરને મોટો આંચકો લાગ્યો, દિલ્હી હાઈકોર્ટે જામીન અરજી ફગાવી દીધી
- ટ્રાયલ કોર્ટે પૂજા ખેડકરને આગોતરા જામીન આપવાનો ઇનકાર કરી દીધો હતો
નવી દિલ્હી, 23 ડિસેમ્બર: ટ્રાયલ કોર્ટના આદેશ વિરુદ્ધ દિલ્હી હાઈકોર્ટમાં પહોંચેલી બરતરફ IAS ટ્રેઈની પૂજા ખેડકરને આંચકો લાગ્યો છે. દિલ્હી હાઈકોર્ટે આજે સોમવારે તેમની અરજી ફગાવી દીધી છે. હકીકતમાં, ટ્રાયલ કોર્ટે પૂજા ખેડકરને આગોતરા જામીન આપવાનો ઇનકાર કરી દીધો હતો. આ પછી પૂજાએ કોર્ટના આદેશને દિલ્હી હાઈકોર્ટમાં પડકાર્યો હતો. પૂજાને ઓગસ્ટમાં અહીંથી વચગાળાનું રક્ષણ મળ્યું હતું.
#Breaking: Delhi High Court has rejected the anticipatory bail plea of dismissed trainee IAS officer Pooja Khedkar. pic.twitter.com/KDJKev07dU
— IANS (@ians_india) December 23, 2024
સુનાવણી દરમિયાન, હાઇકોર્ટે કહ્યું કે, અરજદારનું વર્તન સમાજના વંચિત ગ્રુપ માટે યોજનાનો લાભ મેળવવાના ઉદ્દેશ્યથી પ્રેરિત છે. તપાસ દર્શાવે છે કે, તે વંચિત ગ્રુપના લાભ માટે નથી. જો તેણી તેનો લાભ લઈ રહી છે. લક્ઝરી કારની માલિકી ઉપરાંત, તેના માતા-પિતા પ્રભાવશાળી છે. તો શક્ય છે કે, તેના માતા-પિતા અરજદાર દ્વારા રજૂ કરાયેલા પુરાવાઓ હાંસલ કરી શકે છે.
અરજદારની વ્યૂહરચના પ્રશ્નો ઉભા કરે છે
કોર્ટે કહ્યું કે, એવું લાગે છે કે તેણી (પૂજા) દ્વારા લેવામાં આવેલા પગલાં સિસ્ટમ સાથે છેડછાડ કરવાના મોટા ષડયંત્રનો ભાગ હતા. તે જાણીતી હકીકત છે કે લાખો વિદ્યાર્થીઓ UPSC પરીક્ષા આપે છે. તેના દ્વારા ઉપયોગમાં લેવામાં આવેલી વ્યૂહરચના ઘણા પ્રશ્નો ઉભા કરે છે. છેતરપિંડીનું આ ઉત્તમ ઉદાહરણ માત્ર બંધારણીય સંસ્થા સાથે જ નહીં, પરંતુ સમગ્ર સમાજ સાથે દગો કરે છે.
કયા આધાર પર કોર્ટે અરજી ફગાવી દીધી?
દિલ્હી હાઈકોર્ટે વધુમાં કહ્યું કે, ષડયંત્રનો પર્દાફાશ કરવા માટે તપાસ જરૂરી છે. એવું લાગે છે કે અરજદાર સામે મજબૂત કેસ કરવામાં આવ્યો છે. તેથી પિટિશન ફગાવી દેવામાં આવે છે.
ઉલ્લેખનીય છે કે, પૂર્વ ટ્રેઇની IAS ઓફિસર પૂજા ખેડકર પર સિવિલ સર્વિસ પરીક્ષા પાસ કરવા માટે અન્ય પછાત વર્ગ (OBC) અને ડિસેબિલિટી ક્વોટાના લાભો ખોટી રીતે મેળવવાનો અને છેતરપિંડી કરવાનો આરોપ છે.
આ પણ જૂઓ: પ્રખ્યાત એક્ટરના ‘કિડનેપર’નું એન્કાઉન્ટર, મુખ્ય આરોપીના પગે ગોળી વાગી
