સોનાક્ષી સિંહા સાથે મોટી ઉંમરના અભિનેતાએ કામ કરવાની ના પાડી, જાણો શું કહ્યું?
- સોનાક્ષી સિંહા તાજેતરમાં સમાચારોમાં રહે છે. પહેલા મુકેશ ખન્નાને જવાબ આપ્યો, ત્યારબાદ એક અભિનેતાની બેવડી માનસિકતાની પોલ ખોલી
HD ન્યુઝ ડેસ્કઃ સોનાક્ષી સિંહા હાલમાં એક અલગ જ કારણથી ચર્ચામાં છે. અભિનેત્રીએ તાજેતરમાં જ તેના સોશિયલ મીડિયા પર એવો બોમ્બ ફોડ્યો, જેના કારણે ખૂબ જ ચર્ચાઓ થઈ હતી. એક ઇન્સ્ટાગ્રામ પોસ્ટમાં સોનાક્ષીએ મુકેશ ખન્નાના એ નિવેદન માટે ટીકા કરી હતી જેમાં તેમણે તેના જ્ઞાન અને ઉછેર પર પ્રશ્નો ઉઠાવ્યા હતા. સોનાક્ષીની આ દબંગ સ્ટાઈલ જોઈને શક્તિમાન મુકેશ ખન્નાએ પણ યુ-ટર્ન લીધો અને તરત જ સ્પષ્ટતા કરી હતી. આ સાથે તેમણે એમ પણ કહ્યું કે તેમનો ઈરાદો સોનાક્ષી કે તેના પરિવારને નિરાશ કરવાનો નહોતો. હવે સોનાક્ષીએ ઈન્ડસ્ટ્રીમાં કામ કરતા ડબલ માઈન્ડેડ લોકો પર પણ નિશાન સાધ્યું છે.
બેવડી માનસિકતા પર સોનાક્ષીએ ગુસ્સો વ્યક્ત કર્યો
સોનાક્ષી સિંહાએ આપેલા એક ઈન્ટરવ્યુમાં કહ્યું હતું કે ઈન્ડસ્ટ્રીમાં મહિલાઓને ખૂબ જજ કરવામાં આવે છે. સ્ત્રી કલાકારો જે દબાણમાંથી પસાર થાય છે તે જ દબાણનો સામનો પુરુષ કલાકારોને કરવો પડતો નથી. આ દરમિયાન તેણે ખુલાસો કર્યો કે એકવાર એક અભિનેતાએ તેની સાથે કામ કરવાનો ઈનકાર કર્યો હતો, તે પણ એમ કહીને કે તે તેના કરતા ઉંમરમાં મોટી દેખાય છે. સોનાક્ષીના આ નિવેદન પછી દરેક વ્યક્તિ જાણવા માંગે છે કે આ અભિનેત્રી કયા અભિનેતા વિશે વાત કરી રહી છે.
અભિનેતાએ સોનાક્ષી સાથે કામ કરવાની ના પાડી
આ વિશે વાત કરતાં સોનાક્ષીએ કહ્યું કે, ‘પુરૂષ કલાકારો પર એવું કોઈ દબાણ હોતું નથી. જ્યારે અભિનેતાઓ તેમના કરતા 30 વર્ષ નાની અભિનેત્રી સાથે રોમાન્સ કરે છે, ત્યારે તેમની ઉપર કોઈ સવાલ ઉઠતા નથી, તેમને પણ શરમ આવતી નથી. મોટા પેટ અથવા ઓછા વાળ હોવા માટે પણ તેમને જજ કરવામાં આવતા નથી, પરંતુ મારે એવા એક્ટર્સ સાથે ડીલ કરવી પડી, જેઓ મારા કરતા મોટા હતા અને તેમણે મને કહ્યું કે હું તેમના કરતા ઉંમરમાં મોટી દેખાઉં છું. હું તેમનો આભાર માનવા માંગુ છું. હું એવી માનસિકતા ધરાવતા લોકો સાથે કામ કરવા ઈચ્છતી નથી.
કોણ છે આ અભિનેતા?
સોનાક્ષીના આ નિવેદન બાદ ચાહકો એ જાણવાની કોશિશ કરી રહ્યા છે કે આ અભિનેતા કોણ છે. આખરે તે કોની વાત કરી રહી છે. જોકે અભિનેત્રીએ પોતાના નિવેદનમાં કોઈપણ અભિનેતાનું નામ લીધું નથી. અભિનેત્રીએ અગાઉ પણ ફેટ શેમ અને એજ શેમિંગ જેવા મુદ્દાઓ પર ખુલીને વાત કરી છે.
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
https://chat.whatsapp.com/LuLIACK4WTYDPGdlAsSGrD
આ પણ વાંચોઃ Look Back 2024: થપ્પડ કાંડથી લઈને મૃત્યુની અફવા સુધી, આ વર્ષના ઈન્ડસ્ટ્રીના કેટલાક વિવાદ
આ પણ વાંચોઃ માતા બની દેવોલિના ભટ્ટાચાર્ય,ગોપી વહુના ઘરે દીકરાનો જન્મ થયો
