મહાકુંભ 2025: હનુમાન મંદિર કોરિડોર અને પાકા ઘાટની સેલ્ફી બની લોકપ્રિય, મુલાકાતીઓની ભીડ
- પક્કા સ્નાન ઘાટ અને હનુમાન મંદિર કોરિડોર ખાતે સેલ્ફી લેવાનો અને તેને સોશિયલ મીડિયા પર શેર કરવાનો ક્રેઝ વધ્યો
મહાકુંભ નગર, 18 ડિસેમ્બર: મહાકુંભ 2025 દરમિયાન સંગમ પાસે બનેલા પાકા સ્નાન ઘાટ અને હનુમાન મંદિર કોરિડોરની ભવ્યતા જોવા જેવી છે. અહીં સેલ્ફી લેવાનો અને તેને સોશિયલ મીડિયા પર શેર કરવાનો ક્રેઝ વધી ગયો છે. યુવા મિત્રોની સાથે મોટી સંખ્યામાં લોકો પણ તેમના પરિવાર સાથે આવી રહ્યા છે. વડાપ્રધાન નરેન્દ્ર મોદીએ 13 ડિસેમ્બરના રોજ તેનું ઉદ્ઘાટન કર્યું હતું. પ્રથમ તબક્કાનું કામ પૂર્ણ થઈ ગયું છે. જ્યારે બીજા તબક્કામાં પ્રસાદ માટે આધુનિક રસોડું, પૂજા સ્થળ અને ધ્યાન કેન્દ્ર બનાવવામાં આવશે.
— UP Tourism (@uptourismgov) December 14, 2024
હનુમાન મંદિર કોરિડોર બનાવવામાં આવ્યો
વારાણસીમાં કાશી વિશ્વનાથ, અયોધ્યામાં રામ મંદિર અને વિંધ્યાચલમાં વિંધ્યવાસિની ધામ કોરિડોરની તર્જ પર તીર્થરાજમાં પણ સંગમના કિનારે સ્થિત મોટા હનુમાન મંદિરમાં ભવ્ય કોરિડોર બનાવવામાં આવ્યો છે. વડાપ્રધાને 13 ડિસેમ્બરે જ આ ઘાટ અને હનુમાન મંદિર કોરિડોરનું ઉદ્ઘાટન કર્યું હતું, ત્યારબાદ સંગમ નોજ સાથે મંદિર અને ઘાટ પર ભીડ એકઠી થવા લાગી છે.
શહેરના લોકો હોય કે બહારના લોકો હનુમાન મંદિર પહોંચતાની સાથે જ પોતાના મોબાઈલ પર ફોટોગ્રાફી અને વીડિયોગ્રાફી કરવા લાગે છે. એટલું જ નહીં ડ્રોનગ્રાફી પણ મોટાપાયે કરવામાં આવી રહી છે. આ કોરિડોર બે તબક્કામાં બનવાનો છે, જેમાં પ્રથમ તબક્કાનું કામ પૂર્ણ થઈ ગયું છે. લગભગ 40 કરોડ રૂપિયાના આ પ્રોજેક્ટના પ્રથમ તબક્કામાં મંદિરના કોરિડોરને સુધારવામાં આવ્યો છે.
કોરીડોર લાઇટીંગના કારણે ખાસ આકર્ષણનું કેન્દ્ર
દેવનાગરી વાસ્તુ પર બનેલા આ કોરિડોરની બાઉન્ડ્રી વોલ પરથી સંકુલની ભવ્યતા દેખાય છે. ખાસ કરીને રાત્રીના સમયે આ કોરીડોર લાઇટીંગના કારણે ખાસ આકર્ષણનું કેન્દ્ર બને છે. જેના કારણે દરરોજ મુલાકાતીઓની સંખ્યા વધી રહી છે.
મહાકુંભ મેળાના અધિકારી વિજય કિરણ આનંદે જણાવ્યું હતું કે, આગામી દિવસોમાં આ સંખ્યામાં વધુ વધારો થશે, જેના માટે કોરિડોરમાં કતાર(લાઇન) વ્યવસ્થાપન યોજના લાગુ કરવામાં આવશે. કોરિડોર માટે વધારાના દળો પણ તૈનાત કરવામાં આવશે.
વાસ્તુ અનુસાર બાંધવામાં આવેલા બે ભવ્ય દ્વાર
વાસ્તુ અનુસાર, કોરિડોરમાં પ્રવેશવા અને બહાર નીકળવા માટે બે મોટા ભવ્ય દ્વાર બનાવવામાં આવ્યા છે. આ સાથે અંદર 10 ગેટ પણ બનાવવામાં આવશે. કોરિડોરની દિવાલો પર બજરંગબલીના જીવન સાથે સંબંધિત આકૃતિઓ કોતરવામાં આવી છે. બીજા તબક્કા હેઠળ પ્રસાદ તૈયાર કરવા માટે કોરિડોરમાં આધુનિક રસોડું બનાવવામાં આવશે.
ભક્તો માટે પૂજા સ્થળ અને ધ્યાન કેન્દ્ર પણ હશે. ગર્ભગૃહમાં ભક્તોના પ્રવેશ અને બહાર નીકળવાની જગ્યા પણ પહોળી કરવામાં આવશે. આ ઉપરાંત મંદિરમાં ક્લોક રૂમ, RO પાણીની સુવિધા અને મંદિર પરિસરની બહાર શૌચાલયની સુવિધા પણ ઉપલબ્ધ રહેશે.
આ પણ જૂઓ: મહાકુંભઃ ગુજરાતથી 8 સ્પેશિયલ ટ્રેનનું આયોજન: જાણો તમામ વિગતો
