ગાબા ટેસ્ટમાં કોહલી કેપ્ટનશીપના મૂડમાં! સિરાજને કહ્યું કેવી રીતે વિકેટ લેવી, જૂઓ વીડિયો

• જસપ્રિત બુમરાહ અને મોહમ્મદ સિરાજે ભારત માટે ફરી એકવાર બોલિંગની શરૂઆત કરી હતી

ઓસ્ટ્રેલિયા, 14 ડિસેમ્બર: બોર્ડર ગાવસ્કર ટ્રોફીની ત્રીજી મેચ બ્રિસ્બેનના ગાબા મેદાન પર રમાઈ રહી છે. ભારતીય ટીમના કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો અને ઓસ્ટ્રેલિયાને પ્રથમ બેટિંગ કરવાનું આમંત્રણ મળ્યું. ફરી એકવાર યુવા બેટ્સમેન નાથન મેકસ્વીની અને અનુભવી બેટ્સમેન ઉસ્માન ખ્વાજાએ ઓસ્ટ્રેલિયા માટે ઇનિંગ્સની શરૂઆત કરી હતી. જ્યારે જસપ્રિત બુમરાહ અને મોહમ્મદ સિરાજે ભારત માટે ફરી બોલિંગની શરૂઆત કરી હતી. ગાબા ખાતે ભારત અને ઓસ્ટ્રેલિયા વચ્ચે રમાઈ રહેલી ત્રીજી ટેસ્ટ મેચ દરમિયાન વિરાટ કોહલી કેપ્ટનશિપના મૂડમાં જોવા મળ્યો હતો. ઓસ્ટ્રેલિયા સામેની તેની 100મી આંતરરાષ્ટ્રીય મેચ દરમિયાન વિરાટ ટીમ ઈન્ડિયાના બોલરોને યોગ્ય જગ્યાએ બોલિંગ કરવાનું કહેતો દેખાયો હતો.

જૂઓ વીડિયો

“Thoda aage!” 🗣

Playing his 100th international match against them, AUS ka Boss @imVkohli certainly knows the conditions well! 👌#AUSvINDOnStar 👉 3rd Test, Day 1, LIVE NOW! | #ToughestRivalry #BorderGavaskarTrophy pic.twitter.com/3g31Yz4JrL

— Star Sports (@StarSportsIndia) December 14, 2024

સિરાજને કહ્યું કે કેવી રીતે વિકેટ લેવી

ભારતીય ટીમના પૂર્વ કેપ્ટન વિરાટ કોહલી ઘણીવાર મેદાન પર ટીમ ઈન્ડિયાના બોલરોને સારી સલાહ આપતા જોવા મળે છે. આવું જ દ્રશ્ય બ્રિસ્બેનમાં ગાબા ખાતે ચાલી રહેલી ત્રીજી ટેસ્ટ દરમિયાન જોવા મળ્યું હતું. વિરાટ કોહલી ભારતીય ફાસ્ટ બોલર મોહમ્મદ સિરાજને યોગ્ય જગ્યાએ બોલિંગ કરવાનું કહેતો જોવા મળ્યો હતો. વીડિયોમાં સાંભળી શકાય છે કે, વિરાટ કોહલી સિરાજને કહી રહ્યો છે કે, ‘થોડું આગળ’ વિરાટ કોહલી સિરાજને થોડી આગળ બોલિંગ કરવાનું કહી રહ્યો હતો જેથી તેને વિકેટ મળી શકે.

હરભજન સિંહે વિરાટની સલાહનું કર્યું સમર્થન

વિરાટ કોહલીએ મોહમ્મદ સિરાજને આપેલી સલાહ સાથે પૂર્વ ભારતીય ક્રિકેટર હરભજન સિંહ પણ સહમત થયો હતો. જતીન સપ્રુ સાથે હિન્દી કોમેન્ટ્રી કરી રહેલા હરભજન સિંહે વિરાટ કોહલી સાથે સંમતિ દર્શાવી હતી. તેણે કહ્યું કે, વિરાટ કોહલીએ તેને યોગ્ય સલાહ આપી કે બોલ થોડો આગળ ફેંકો. તે પણ તેના પગ જોડીને પાછળ ઉભો હતો.

કોહલીની ઓસ્ટ્રેલિયા સામે 100મી આંતરરાષ્ટ્રીય મેચ

‘કિંગ કોહલી’ ઓસ્ટ્રેલિયા સામે તેની 100મી આંતરરાષ્ટ્રીય મેચ રમી રહ્યો છે. અત્યાર સુધીમાં તે ઓસ્ટ્રેલિયા સામે 49 વનડે અને 23 T20 મેચ રમી ચૂક્યો છે. જ્યારે કાંગારૂ ટીમ સામે આ તેની 28મી ટેસ્ટ મેચ છે. ઓસ્ટ્રેલિયા સામે સૌથી વધુ 110 આંતરરાષ્ટ્રીય મેચ રમવાનો રેકોર્ડ ‘ગોડ ઓફ ક્રિકેટ’ સચિન તેંડુલકરના નામે છે.

આ પણ જૂઓ: IND vs AUS: કોહલીએ રચ્યો ઇતિહાસ, આવો કમાલ કરીને ક્રિકેટ જગતને ચોંકાવ્યું