ટ્રમ્પે ગેરકાયદેસર ઇમિગ્રન્ટ્સને હાંકી કાઢવા માટેની તૈયાર કરી યાદી, 18000 ભારતીયોનો સમાવેશ : મોટાભાગના ગુજરાતી
નવી દિલ્હી, 13 ડિસે 2024 : અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ શપથ લીધા પહેલા જ ગેરકાયદેસર ઈમિગ્રન્ટ્સ સામે કડક કાર્યવાહી કરવાની તૈયારી કરી રહ્યા છે. પોતાના ચૂંટણી પ્રચારમાં વારંવાર અમેરિકાને ઈમિગ્રન્ટ ફ્રી બનાવવાની વાત કરનારા ટ્રમ્પે આ માટે યુદ્ધના ધોરણે તૈયારીઓ શરૂ કરી દીધી છે. ડોનાલ્ડ ટ્રમ્પનું આ પગલું અમેરિકન ઈતિહાસના સૌથી મોટા દેશનિકાલની યોજનાનો એક ભાગ છે. ટ્રમ્પની આ યોજનાને અમલમાં મૂકવા માટે યુએસ ઈમિગ્રેશન એન્ડ કસ્ટમ એન્ફોર્સમેન્ટ (આઈસીઈ)એ દેશમાંથી બહાર કાઢવા માટે લગભગ 15 લાખ લોકોની યાદી તૈયાર કરી છે. અહેવાલો અનુસાર આ યાદીમાં લગભગ 18,000 ગેરકાયદેસર ભારતીયો પણ સામેલ છે.
ગયા મહિને જારી કરાયેલા ICE ડેટા અનુસાર, યુ.એસ.માં ડોકેટમાં રહેલા 15 લાખ લોકોમાં 17,940 ભારતીયો છે જેમને દેશ છોડવાનો આદેશ આપવામાં આવ્યો છે. તેમને ટૂંક સમયમાં ભારત પરત ફરવું પડી શકે છે. ઇન્ડિયા ટુડેએ અહેવાલ આપ્યો છે કે હાલમાં ભારતમાંથી લગભગ 7,25,000 ગેરકાયદેસર ઇમિગ્રન્ટ્સ અમેરિકામાં છે. મેક્સિકો અને અલ સાલ્વાડોર પછી અમેરિકામાં સૌથી વધુ ગેરકાયદેસર ઇમિગ્રન્ટ્સ ભારતના છે. ડિપાર્ટમેન્ટ ઓફ હોમલેન્ડ સિક્યુરિટીના રિપોર્ટ અનુસાર, જાન્યુઆરી 2022માં અમેરિકામાં લગભગ 11 મિલિયન ગેરકાયદેસર ઇમિગ્રન્ટ્સ રહેતા હતા.
આ દરમિયાન ડોનાલ્ડ ટ્રમ્પે ફરી એકવાર કહ્યું છે કે તેઓ દેશમાંથી ગેરકાયદેસર ઈમિગ્રન્ટ્સને બહાર કાઢવા માટે કંઈ પણ કરશે. તેણે કહ્યું છે કે જો જરૂર પડશે તો તે આ માટે અમેરિકન સેનાનો પણ ઉપયોગ કરશે. ગુરુવારે પ્રકાશિત એક મુલાકાતમાં તેણે આ વાતનો પુનરોચ્ચાર કર્યો. ટ્રમ્પે કહ્યું છે કે ગેરકાયદેસર રીતે દેશમાં પ્રવેશવું એ આક્રમણ સમાન છે જેને રોકવાની જરૂર છે. “હું આને આપણા દેશ પર હુમલો માનું છું,” ટ્રમ્પે ટાઈમના પર્સન ઓફ ધ યર બનવાની જાહેરાત કર્યા પછી કહ્યું. ટ્રમ્પે વધુમાં કહ્યું, “હું નથી ઈચ્છતો કે તેઓ આગામી 20 વર્ષ સુધી કેમ્પમાં બેસી રહે. હું ઈચ્છું છું કે તેઓ બહાર નીકળી જાય અને તેઓએ તેમના દેશમાં પાછા જવું પડશે.”
આ પણ વાંચો :‘શ્રીમંત’ ખાનગી કંપનીઓ, પગાર વધારવામાં ‘ગરીબ’, ચોંકાવનારું સત્ય આવું સામે
આ પણ વાંચો : HDFC બેંકે કરોડો ગ્રાહકોને આપ્યા સારા સમાચાર! FD પર વધાર્યું વ્યાજ, જાણો હવે એક વર્ષની FD પર કેટલું વ્યાજ મળશે?
ભારતની એફડીઆઈ 1 ટ્રિલિયન ડોલરને આંબી ગઈ
Personal Loan લેવી છે, Online કે પછી બેંકમાંથી,જાણો કઈ સસ્તી પડશે?
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
