રાજસ્થાનના સીએમના કાફલા સાથે કારની ટક્કર, 5 પોલીસકર્મી ઘાયલ, 2ની હાલત ગંભીર
રાજસ્થાન, 11 ડિસેમ્બર 2024 : મંગળવારે રાજસ્થાનના મુખ્યમંત્રી ભજનલાલ શર્માના કાફલા સાથે કાર અથડાઈ હતી. રોંગ સાઇડથી આવતા વાહને કાફલાના વાહનને ટક્કર મારી હતી. આ દુર્ઘટનામાં પાંચ પોલીસકર્મીઓ ઘાયલ થયા છે, જેમાંથી બેની હાલત ગંભીર હોવાનું કહેવાય છે. મુખ્યપ્રધાન ભજનલાલ શર્માએ ઘટનાની તાત્કાલિક નોંધ લીધી અને ઘાયલ પોલીસકર્મીઓને હોસ્પિટલ લઈ ગયા અને તેમની સારવાર કરાવી. આ અકસ્માત જયપુરના જગતપુરા વિસ્તારમાં NRI સર્કલ પાસે થયો હતો.
રાજસ્થાન વિધાનસભાની કારનો પીછો
અન્ય એક સમાચારમાં રાજસ્થાન વિધાનસભાના અધ્યક્ષ વાસુદેવ દેવનાનીની કાર ગઈકાલે જયપુરથી અજમેર જઈ રહી હતી ત્યારે એક શંકાસ્પદ વાહને તેનો પીછો કર્યો હતો. પોલીસે જણાવ્યું કે આ ઘટના બાદ સુરક્ષા કાફલામાં સામેલ કર્મચારીઓએ પોલીસને મામલાની જાણ કરી, ત્યારબાદ પોલીસની ઘણી ટીમોને હાઈવે પર મોકલવામાં આવી.
જયપુરથી વતન અજમેર જઈ રહ્યાં હતા
પોલીસના જણાવ્યા અનુસાર, જ્યારે દેવનાની જયપુરથી પોતાના વતન અજમેર જઈ રહ્યા હતા, ત્યારે એક શંકાસ્પદ કાર થોડીવાર માટે તેમની કારનો પીછો કરી હતી. આ કારમાં ત્રણ-ચાર યુવકો મુસાફરી કરી રહ્યા હતા અને તેઓએ મોબાઈલ ફોનથી વિધાનસભા અધ્યક્ષની કારનો વીડિયો પણ બનાવ્યો હતો. પોલીસે જણાવ્યું કે દેવનાની સુરક્ષિત રીતે અજમેર પહોંચી ગયા છે અને કેસની તપાસ શરૂ કરી દેવામાં આવી છે. પોલીસ એ જાણવાનો પ્રયાસ કરી રહી છે કે આ ઘટના સુરક્ષા માટે ગંભીર ખતરો છે કે નહીં.
આ પણ વાંચો : 2030 સુધી ભારતમાં 8 કરોડ EVનો ટાર્ગેટ, 3.4 લાખ કરોડનું રોકાણ કરશે કંપની
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
