VIDEO: ‘100 કરોડ હિન્દુઓ છે અડધા પણ રસ્તા પર ઉતરે તો…’, અદ્વૈત ચૈતન્ય મહારાજ
મુંબઈ, તા. 9 ડિસેમ્બર, 2024: બાંગ્લાદેશમાં હિન્દુઓ પર થતા અત્યાચાર સામે રવિવારે નવી મુંબઈમાં હિન્દુ સમુદાય દ્વારા વિરોધ પ્રદર્શન કરવામાં આવ્યું હતું. આ રેલીમાં હજારો હિન્દુઓએ ભાગ લીધો હતો. ઇસ્કોનના પ્રતિનિધિ અદ્વૈત ચૈતન્ય મહારાજે જણાવ્યું હતું કે, સહિષ્ણુતા આજે હિંદુઓની સૌથી મોટી નબળાઈ બની ગઈ છે. જે બાંગ્લાદેશ માટે એક સમયે હિન્દુઓએ સંઘર્ષ કર્યો હતો, આજે ત્યાં તેમના પર અત્યાચાર થઈ રહ્યો છે.
ચૈતન્ય મહારાજે કહ્યું કે તમામ હિન્દુઓએ એક સાથે આવીને આ અત્યાચારો સામે પોતાનો અવાજ ઉઠાવવો જોઈએ. આખા દેશમાં લગભગ 100 કરોડ હિન્દુઓ છે અને જો તેમાંથી અડધા પણ શેરીઓમાં ઊતરી આવશે તો દુનિયાને હિન્દુઓની શક્તિનો અહેસાસ થશે.
Navi Mumbai: Advait Chaitanya Maharaj, ISKCON representative, says, “…Tolerance has become the greatest weakness of Hindus today. The same Bangladesh, for which Hindus once struggled, is now witnessing atrocities against them… It is now necessary for all Hindus to come… pic.twitter.com/4IenapvwHb
— IANS (@ians_india) December 8, 2024
આધ્યાત્મિક ગુરુ સ્વામી દીપાંકર મહારાજે રવિવારે સહારનપુરમાં કહ્યું હતું કે જ્યારે એક સાથે ઊભા રહેવાનો સમય આવે અને તમને કામ યાદ આવે તો સમજી લો તમારો ધર્મ સંકટમાં છે. બાંગ્લાદેશમાં હિન્દુઓ પર થતા અત્યાચાર સામે આ વિરોધ પ્રદર્શન કરવામાં આવી રહ્યું છે. સહારનપુરનો હિન્દુ સમાજ એક થઈ રહ્યો છે અને સંદેશ આપી રહ્યો છે કે હિન્દુઓ એક છે.
પ્રદર્શનકારીઓએ બાંગ્લાદેશ સરકાર વિરુદ્ધ સૂત્રોચ્ચાર કર્યા હતા અને આંતરરાષ્ટ્રીય સ્તરે હિન્દુઓ સાથે થતા દુર્વ્યવહારની આકરી નિંદા કરી હતી. મોટી સંખ્યામાં લોકોએ વિરોધ પ્રદર્શનમાં ભાગ લીધો હતો અને બાંગ્લાદેશમાં થઈ રહેલા અત્યાચારોને રોકવા માટે ભારત સરકાર પાસેથી તાત્કાલિક અને કડક કાર્યવાહીની માંગ કરી હતી.
બાંગ્લાદેશમાં હિન્દુઓ અને મંદિરો પર થયેલા હુમલાઓ સામે રવિવારે પોલીસ સુરક્ષા વચ્ચે થાણે જિલ્લા અને નવી મુંબઈમાં અનેક સ્થળોએ વિરોધ પ્રદર્શનો યોજાયા હતા. સકલ હિન્દુ સમાજ, વિશ્વ હિન્દુ પરિષદ અને અન્ય સંસ્થાઓ દ્વારા આ દેખાવો દરમિયાન કોઈ અનિચ્છનીય બનાવ નોંધાયો ન હતો. સાંજે થાણે શહેરમાં યોજાયેલી મૌન કૂચમાં સેંકડો લોકોએ ભાગ લીધો હતો.
આ પણ વાંચોઃ રૂપિયા રાખો હાથ પર, આ કંપનીઓના આવી રહ્યા છે IPO
તમામ સમાચારથી અપડેટ રહેવા અમારી વૉટ્સએપ ચૅનલમાં જોડાવ – લિંક – https://whatsapp.com/channel/0029VaqfJ6J3GJP7HcwkVF1S
