હેમંત સોરેન આજે ઝારખંડના 14મા મુખ્યમંત્રી તરીકે લેશે શપથ, જાણો સમય અને વિગતો

• ‘INDI’ ગઠબંધનના ઘણા અગ્રણી નેતાઓ અને મહાનુભાવો શપથ ગ્રહણમાં હાજરી આપે તેવી શક્યતા

રાંચી, 28 નવેમ્બર: ઝારખંડમાં બમ્પર જીત બાદ હેમંત સોરેન આજે ગુરુવારે ચોથી વખત મુખ્યમંત્રી તરીકે શપથ લેશે. તેમના શપથ ગ્રહણ સમારોહમાં અનેક નેતાઓ હાજરી આપશે. શપથ ગ્રહણ સમારોહનું આયોજન રાંચીના મોરહાબાદી ગ્રાઉન્ડમાં કરવામાં આવ્યું છે. ‘INDI’ ગઠબંધનના ઘણા અગ્રણી નેતાઓ અને મહાનુભાવો શપથ ગ્રહણમાં હાજરી આપે તેવી અપેક્ષા છે. ઝારખંડના રાજ્યપાલ સંતોષ કુમાર ગંગવાર આજે સાંજે 4 વાગ્યે હેમંત સોરેનને પદ અને ગોપનિયતાના શપથ લેવડાવશે. વિધાનસભા ચૂંટણીમાં, સોરેને 39,791 મતોના માર્જિનથી ભાજપના ગમલિયાલ હેમ્બ્રમને હરાવીને બરહેટ બેઠક જીતી હતી.

#WATCH | Cultural performances underway outside Birsa Munda Airport in Ranchi, as leaders arrive for the swearing-in ceremony of Jharkhand CM-designate Hemant Soren and his new cabinet tomorrow, November 28. pic.twitter.com/9sS19WxPNW

— ANI (@ANI) November 27, 2024

હેમંત સોરેને જાહેર જનતાને અભિનંદન પાઠવ્યા

હેમંત સોરેને કહ્યું, “હું ઝારખંડના લોકોનો અમારા નેતૃત્વમાં સતત વિશ્વાસ માટે આભારી છું. આ જીત લોકોની આકાંક્ષાઓને પ્રતિબિંબિત કરે છે અને અમે તેને પરિપૂર્ણ કરવા માટે કામ કરીશું, આ તે લોકોની જીત છે અને શાંતિપૂર્ણ-પ્રગતિશીલ ઝારખંડ માટે તેમના વિઝનની જીત છે.” સોરેનની પાર્ટી ઝારખંડ મુક્તિ મોરચા (JMM) ના નેતૃત્વ હેઠળ છે. 81 સભ્યોની વિધાનસભામાં ગઠબંધને 56 બેઠકો મેળવીને મોટી જીત મેળવી હતી, જ્યારે ભાજપની આગેવાની હેઠળના નેશનલ ડેમોક્રેટિક એલાયન્સ (NDA)ને 24 બેઠકો મળી હતી.

હેમંત સોરેને લોકોને કરી અપીલ 

સોરેને લોકોને તેમના શપથ ગ્રહણ સમારોહમાં હાજરી આપવા માટે અપીલ કરી હતી અને એક YouTube લિંક પણ શેર કરી હતી જેના પર ઇવેન્ટનું જીવંત પ્રસારણ કરવામાં આવશે. શહેરભરમાં પોસ્ટરો લગાવવામાં આવ્યા છે અને ખાસ ટ્રાફિક વ્યવસ્થાની સાથે ખાસ સુરક્ષા વ્યવસ્થા પણ કરવામાં આવી છે. કોંગ્રેસના મહાસચિવ અને ઝારખંડના પ્રભારી ગુલામ અહેમદ મીરે જણાવ્યું હતું કે, સોરેન એકલા જ શપથ લે તેવી અપેક્ષા છે અને વિધાનસભામાં વિશ્વાસ મત પછી કેબિનેટનું વિસ્તરણ કરવામાં આવશે.

INDI ગઠબંધનના ઘણા નેતાઓ સામેલ થશે

શપથ ગ્રહણ સમારોહમાં કોંગ્રેસ અધ્યક્ષ મલ્લિકાર્જુન ખડગે, કોંગ્રેસ નેતા રાહુલ ગાંધી, રાષ્ટ્રવાદી કોંગ્રેસ પાર્ટી (NCP)ના વડા શરદ પવાર, પશ્ચિમ બંગાળના મુખ્યમંત્રી મમતા બેનરજી, મેઘાલયના મુખ્યમંત્રી કોનરાડ સંગમા, પંજાબના મુખ્યમંત્રી ભગવંત માન અને હિમાચલ પ્રદેશના મુખ્યમંત્રી સુખવિંદર સિંહ સુખુ સામેલ થવાની શક્યતા છે.

આ પણ જૂઓ: Video: વક્ફ કાયદાનો મુસદ્દો 29મીએ રજૂ કરવાની JPCની તૈયારીનો વિરોધ, વિપક્ષનો વોકઆઉટ