રેલવેએ ચેતવણી આપી, સોશિયલ મીડિયા પર કંટેન્ટ શેર કરશો તો થશે કાર્યવાહી

HD ન્યૂઝ ડેસ્ક, 26 નવેમ્બર 2024 :    રેલવે ભરતી બોર્ડ (RRB) એ તાજેતરમાં એક જાહેરનામું બહાર પાડ્યું છે જેમાં કહેવામાં આવ્યું છે કે રેલ્વે ભરતી પરીક્ષા સામગ્રી શેર કરવી એ ગંભીર ગુનો છે અને આમ કરનાર કોઈપણ ઉમેદવારને ગેરલાયક ઠરાવવામાં આવશે. આરઆરબીએ કહ્યું કે તેઓએ જોયું છે કે કેટલાક લોકો યુટ્યુબ, ટ્વિટર (એક્સ) ફેસબુક વગેરે જેવા સોશિયલ મીડિયા પ્લેટફોર્મ દ્વારા આ પ્રવૃત્તિઓમાં સામેલ છે.

નોટિફિકેશનમાં કહેવામાં આવ્યું છે કે “કોઈને પણ પૂરી રીતે તે તેનો થોડો હિસ્સો કે કોઈપણ માધ્યમથી કોઈપણ જાણકારી કોઈપણ રૂપમાં પરિક્ષણ સામગ્રીને શેર અને ભંડારણનો ખુલાસો, પ્રકાશન, રિપ્રિન્ટ. પ્રસારણ કરવા માટે કરવામાં આવ્યો હશે તો મૌખિક અથવા લેખિત, ઇલેક્ટ્રોનિક અથવા મિકેનિકલ અથવા રફ પેપર પરીક્ષા કેન્દ્રને પૂરા પાડવામાં આવે છે અથવા પરીક્ષણ સામગ્રીના અનધિકૃત કબજામાં જોવા મળે છે તે ગંભીર ગેરવર્તણૂક તરીકે ગણવામાં આવશે અને તેને પરીક્ષામાંથી પ્રતિબંધિત/અયોગ્ય ઠેરવવામાં આવશે.

RRBએ ચેતવણી આપી હતી કે આવા ઉમેદવારો અને વ્યક્તિઓ સામે નિયમો મુજબ શિસ્તભંગ અને કાયદાકીય પગલાં લેવામાં આવશે અને જો જરૂર પડશે તો આવા કેસની પોલીસને જાણ કરવામાં આવશે.

આસિસ્ટન્ટ લોકો પાયલોટ (RRB ALP 2024) માટેની ભરતી પરીક્ષા ગઈકાલ, 25 નવેમ્બરથી શરૂ થઈ છે. પરીક્ષા 29 નવેમ્બર સુધી ચાલશે.

આ પણ વાંચો : Vivo Y300 Flipkart અને Amazon પર થયો લૉન્ચ: હજારો રૂપિયાનું મળી રહ્યું છે ડિસ્કાઉન્ટ